Gaur Goizuetan izan naiz, edo, haien modura esanda, "Goizutan". Ikastaro batean izan naiz, dakidan apurra partekatzen, dakidana irakasten... Edota Patxiku Perurena goizuetarraren azken liburuaren izenburuak aldarrikatzen duen gisara, Dakiguna ikasten.
Goizuetatik bueltan, liburu horretako pasarte bat gogoratu nahian ibili naiz, Leitzan bizi den poeta goizuetarrak idatzia poesiaren kontura:
Poesiak [...] unibertsala izan nahi du beti, konkretua, soila alegia, eta ez adorno global hutsa. Eta gizona, funtsean, poesia besterik ez da.
