Aspaldiku

Maiatz, 30 urtez

2012-01-13T19:57:00.004+01:00

Zorionak Maiatz !!

ZORIONAK "Maiatz" zure 30. urtebetetzean !!

Hi bai euskara biziarazten eta gu ilustratzen ari haizela!

Maiatz elkartea 1981eko abenduan sortu zen eta lehen aldizkaria ondoko otsailean argitaratu.

Geroztik egin da bide eta askok parte hartu zuten idazten eta molde askoz laguntzen. Bereziki eskerrak eman behar zaizkie Itxaro Borda eta Lucien Etxezaharreta maiatz-argitaratzaile, idazle eta euskaltzale

amorratuei.
Mila zorion !! Eta beste 30 urte gehiagotarako !!

Hatsa elkartearen ageri bat

2012-01-13T18:46:00.004+01:00

Olerki galdera

   Aurten ere ,"Hatsaren Poesia",    olerki bilduma , oraino 14 garren aldi batez,   , aurreratzeko bidean eman nahi ginuke   .
             Aldi oroz bezala itxaropen haundi batekin pentsatzen dugu ,   olerkari askoren partehartzeak, ez digula huts egingo .Zuen olerkiekin batera , maiteenik duzuten, idazle baten testo poetiko labur bat , igortzea , ere ,oraikoan, eskatzen dugu,
.             Badakigu , poesia munduan , ez litaikela mugarik eman behar , baina materialki ezin bestean, olerkien bidaltzeko epe bat finkatu dugu , hau da , Urtarrilaren15 a
(Mezu hau   pasa ,   zuen inguruan diren olerki idazleeri)
N.B : Zuen aurpegiaren argazki berri bat, otoi , behar ginuke, bai eta ere(olerkari berrientzat), jakin, noiz eta nun sortua zareten

     **********************************************

« Olerkarien eguna «Martxoaren 31an

"Hatsaren poesia " eguna-ren bezperan ,
2 garren "Olerkarien eguna" egituratuko da
Egun hortan ,Euskal herri osoan , edo beste edozoin   tokitan ere ,
olerki idazle edo olerkizale norberak aukeratu dezake : gune bat, antzoki bat, taberna bat , berdin enparantza bat ,ots, nahi duen gune bat , bakarrik edo beste pertsona batzuekin , maite dituen euskarazko olerki edo testo poetiko zonbaiten aurkezteko ( eta hori, nahi duen modura , irakurriz,..abestuz…., antzeztuz edo abar)
Lotura bat, Internetez
(http://olerkarieneguna2.blogspot.com/) eta prentsaz, eginen ginuke denon artean , partehartzale norberak ,   nun eta ze ordutan egitaratuko luken bere aurkezpena, Martxoaren 20 eko, Hatsa elkarteari, jakinaraziz gero

Beleixe maratoia !!

2012-01-03T01:35:00.002+01:00

Sakanako Beleixe Irratiko eta Guaixe aldizkariko lagunok irrati maratoiaren berri eman digute... Bai Beleixe, bai Guaixe ere behar-beharrezkoak dira euskal kultura gure herrietan sustatzeko. Gire sostengua behar dute... dirutan ere bai... euskal kulturaren alde!, hots, nafar kulturaren alde!

ORIOTIK KRESALA, BENITO LERTXUNDIREKIN BATERA

2012-01-03T01:18:00.003+01:00

ORIO

Ikuslegoa eta Benito Lertxundiren arteko erabateko elkar ulertzea

Bi ordu eta erdiko kontzertu bikaina eskaini zuen musikariak Karelan

Bi ordu eta erdiko kontzertu hunkigarria eskaini zuen Benito Lertxundik joan zen larunbatean Karela kiroldegian. Duela bi aste eskaintzekoa zen kontzertua, baina bertan behera geratu zen Benito Lertxundiren ondoezaren ostean.

Larunbateko kontzertuan, laster batean argitara emango duen disko berriko kantuak abestu zituen emanaldiaren lehenengo zatian; bigarrenean, berriz, bere kantu arrakastatsuenetariko batzuk abestu zituen, jendearen laguntzaz.

Benitorekin oholtza gainean zortzi musikari izan ziren eta, hiru kantutan laguntzen, Aspaldikuko Intza Unanue oriotar gaztea aritu zen. Larunbatean kiroldegia jendez gainezka izan zen eta oriotarrek eta inguruko herrietatik etorritakoek merezi zuen harrera egin zioten Benitori; ikuslegoa eta Benitoren arteko elkar ulertzea erabatekoa izan zen.

HATSA ELKARTEAK GABON ZORIONTSUAK ETA 2012 URTE OPAROA ETA ZORIONTSUA

2011-12-27T21:29:00.000+01:00

HASIER LARRETXEA, "ATAKAK"

2011-12-20T13:35:00.003+01:00

Hasier Larretxea olerkari

"Poesiak kontrako norabidean ibiltzeko askatasuna dauka, hitzak gordin islatzekoa"

Egungo bizitokia Madrilen duen arren, Hasier Larretxeak Baztanen finkatuta dauzka bere sustraiak. Jaioterriko islak argi agertzen dira 'Atakak' bere azken lanean, baina ez hori bakarrik, aurrez aurre begiratzen baitie, bere poesiaren talaiatik, munduko hainbat egoera eta gatazkei

http://m.noticiasdenavarra.com/2011/12/18/ocio-y-cultura/poesiak-kontrako-norabidean-ibiltzeko-askatasuna-dauka-hitzak-gordin-islatzekoa

Josu Jimenez Maia Nafar Ateneoan hitzaldia, hilaren 19an

2011-12-13T17:08:00.000+01:00

NAFAR ATENEOAN Hitzaldia euskaraz

HAIKUAK… EUSKARAZ, ZERGATIK EZ?

Lekua: Iruñeko Kultura eta Hezkuntza Alorreko Hitzaldi Aretoan (Erraldoien Txokoa)
Ordua: 19:30

http://www.ateneonavarro.es/calendario.php?ano=2011&mes=12&id=549

IGARTZAKO GONBIDAPENA

2011-12-13T14:02:00.005+01:00

Abenduaren 16an, iluntzeko zortzietan Beasaingo Igartza jauregian eskainiko dugun poesia errezitaldira

GONBIDATU NAHI ZAITUGU

“Eta orain badakit”,

Tere Irastortza.

“Itxaso kontra bat”

Karmele Igartua zena

Itziar Gomezen ahotsean.

Aitor Furundarena eta Iñaki Telleria musikagileen zuzeneko emanaldia Izaskun Etxeberriaren argazkien laguntzaz.

Atsegin haundiz gonbidatu nahi zaituztegu geure emanaldira.
Eta orain badakit Itsaso kontra bat emanaldian parte hartuko dugun guztion izenean,
besarkada bat

TERE IRASTORTZA

ORIOTIK KRESALA

2011-12-11T00:59:00.020+01:00

Kresala IRENTSI EGIN NAU Iluntasuna nagusitzen ari da eta nik ezin ezer egin. Makala, lamaka, kalama, kamala Tristura, ratutris, turatris, tutrisra Nekea, akene, neake, keane Ezina, zinae, naezi, nazie Negarra, rragane, garrane, rranega Iluntasuna nagusitu zait. Irentsi egin nau. Kamala Tutrisra Keane Nazie Rranega Argi izpirik gabe, berriz ere nagusi Turatris Naezi Neake Ilun dago amaren altzoa ilun kopeta, kopetilun Ilun dago nire barrena eta zuk ezin ezer egin. Lamaka Rragane Irentsita nago. Abenduak 5, 2011 10:45 AM xorino milesker Urriak 13, 2011 1:29 PM Kresala "Bihotz-bihotzez ene isiltasuna, ene bihotz sentiberegi hau: erraiteko dudana ez baldin bada isiltasuna baino ederragoa, nago isilik." Eta zu isilduko bazina nor mintzatuko litzateke? Sarri isiltasuna izan daiteke ederrena,bai, baina gaur zure hitzak irakurtzean... berriz ere, barrena borborka jarri zait! Mila esker Ainara! Muxuak,Orioko Marisa October 15, 2011 11:13 AM xorino Milesker, Marisa... baina erantzunik ez dudanean ene bihotz minduarentzat... ez dakit zer egin... baina hala ere zure mezuak bezalakoek aurrera BIZITZEN ETA IDAZTEN segitzeko adorea ematen didate... eskerrik asko... zuri November 15, 2011 1:46 PM Kresala Nik ere idatzi nahiko nuke urrutiko lurralde batetik... Bai, egia da! Bertakoa ezin izaten dugu baloratu, kanpokoa beti hobea da. Eta horrela ez dela esaten duen oro etor dadila nigana eta hitz egingo dugu! Ni ere Ainararen ondora joango naiz eta elkarrekin bilatuko dugu hainbeste denboran galdurik darabilen “zera” hori. Abenduak 7, 2011 12:02 PM

MAIATZ KALEAN, MAITE RAMOS ETA ALVARO MUNDIÑANO ORIZURUN ETA JOSU JIMENEZ MAIA NAFAR ATENEOAN HILAREN 19AN

2011-12-10T11:56:00.014+01:00

MAIATZ 53

Herenegun, Durangoko azokan, Lucien Etxezarreta eta Josu Jimenez Maia MAIATZ argitaletxearen saltokian.

MAIATZ 53 kalean da !!

http://www.eke.org/kultura/literatura/durango_azoka_2011/berritasunak_2011/maiatz_aldizkaria_53

GEREZIEN GARAIKO HAIKUAK

Orobat, Josuren "Gerezien garaiko haikuak" liburua karrikaratu da Durangoko Azokan bertan, nork eta MAIATZ-ek argitaratua, nork bestela?

Eta, iruzkin txiki bat liburu honen argitalpenari dagokionez: Nafarroa Garaiko prentsan ez da ezta aipatu ere egin liburu hau, Nafarroako liburu "guztiak" aipatuak izan badira ere. Baionan argitaratzen bada, MAIATZ elkartearen eskutik argitaratzen bada, ez da nafarra? Non ote dago Baionarekiko jumelagea? Non dago "euskaldun guztiok nafarrak" garelako esapidea? MAIATZ ez da nafarra? Eta Nafarroan ba al da aldizkari literariorik euskaraz? HATSA ez da nafarra? MAIATZ ez da nafarra? Gu nafarrok ez al gara nafarrak? ASPALDIKUkoak ez omen gara profetak gure lurrean... baina, bost axola, Baionan eta Senperen badugu ostatu, Nafarroako prentsan ez bezala.

Durangoko Azokan eginiko haiku-liburuaren aukezpenaren haritik, hona hemen "Ezkabako talaiatik", Itxaurdik egin duen aipamena.

Blog: Ezkabako talaiatik
Post: Durangoko Azokan, Gerezi Garaiko Haikuak mintzagai
Link: http://itxaurdi.blogspot.com/2011/12/durangoko-azokan-gerezi-garaiko-haikuak.html

ASPALDIKU ELKARTEKO AGERI BATZUK

Josu Jimenez Maia Nafar Ateneoan hitzaldia, hilaren 19an

NAFAR ATENEOAN Hitzaldia euskaraz

HAIKUAK… EUSKARAZ, ZERGATIK EZ?

Euskaraz sortu eta argitaratu diren haikuak poemen gaineko azterketa bat. Juan Kruz Igerabide, ezinbesteko erreferentzia haikuen munduan. François Aillet-en Haiku kaiku izeneko liburua aspaldi atera zen. Azken hilabeteotan, euskarazko hiru haiku-liburu atera dira: mugaz bestaldean, Gerezi Garaiko Haikuak; mugaz alde honetan, Karlos Linazasoro-ren Hamazazpikotan, eta Josetxo Azkona-ren Ni ez naiz Fujin izan; baina lehenago ere, Josetxok aspaldiko Artius hartan eta duela gutxiko Ni arbola eta zu haitza liburuetan ere haikuak argitaratu zituen. Orobat, emakumeek ere haikuak idazten ditzute: Carmen Valois-ek haikuak idatziak ditu. Bestalde, Ibon Uribarrik euskarara ekarriak, Senez aldizkarian agertu ziren duela pare bat urte lau maisu klasikoren haiku zenbaiten itzulpen zoragarria, Baxô-ren, Buson-en, Issa-ren eta Xiki-ren haiku zenbait. Haikuak... euskaraz; zergatik ez?

Josu Jimenez Maia. Iruñean sortua, 1967an, baina aspaldi Berriozarkotua. Ingeles irakaslea ofizioz eta idazlea afizioz. Narratiban, ipuinak ditu sarituak eta argitaratuak han-hemenka, besteak beste, Tene Mujika lehiaketa, Orixe saria, Iparragirre saria eta, iaz, Atarrabiako Petri saria. Haur eta Gazte literaturan, Johanes, Bargotako Aztia liburua, Txalaparta argitaletxearen eskutik. Olerkigintzan, berriz, Gerezi garaiko haikuak liburua argitaratu berri du Maiatz-en eskutik; bestalde, Muxugorri antologian parte hartu zuen, baita Hatsa olerki bildumetan eta Luces y sombras, El Coloquio de los perros eta Nafar Ateneoaren Constantes Vitales aldizkarietan ere. Berriozar Irratiko eta Euskalerria Irratiko ohiko kolaboratzailea. Artikuluak ere, ehun baino gehiago ditu argitaratuak. Halaber, Noriko Matsui-ren “How to perform kamishibai” gidaren itzultzailea. Euskal Idazleen Elkarteko idazkaria da egun.

Lekua: Iruñeko Kultura eta Hezkuntza Alorreko Hitzaldi Aretoan (Erraldoien Txokoa)
Ordua: 19:30

http://www.ateneonavarro.es/calendario.php?ano=2011&mes=12&id=549

Maite Ramos eta Alvaro Mundiñano, Aspaldikutarrak, Iruñeko "Orizuru" galerian abendu osoan atzodanik hasita

Aspaldikuko Maite Ramos "Orizuru" galerian bere akuarelak erakusten. Lan hauek Josu Jimenez Maiaren haikuak irudiz iruzkintzeko baliatu ditu Maitek. Bilduma ez dago osorik, hain politak izanik, baten batek akuareletatik bat eraman omen zuen, eskatu gabe, Baionan egin zen erakusketatik. Behor bat zegoen irudian, pottoka Euskal Herrikoa agian, eta erakusketatik alde egin zuen bizitasunez beterik. Oraingo erakusketan gainerako guztiak dituzue ikusgai abendu hotz honetan zehar. Argakian, Maite Ramos Juankar Lpz-Mugartzaren konpainia ezin hobean.

Aspaldikuko Alvaro Mundiñano Gartziandia, Etxarri-Aranazko margolaria, Iruñeko "Orizuru" galerian bere margoak erakusgai jarri ditu: sagarrak, gereziak, Etxarri Aranazko ardoa eta beste irudi hiperrealistak ikusteko aukera izango duzue... denak jateko eta edateko gogoa ematen duen arren, ez dira egiazkoak:

Galdetzen badidazue zertarako margotzen dudan, denbora gelditzeko dela esango nizueke. Denbora harrapatu nahiko nuke, nire eskuetan izan, ihesi doazkit uneak begien bistan eta niregandik hurbil izateko. Margotzearen arrazoia desagertzen ari dena finkatzea izan liteke, galtzen ari den unea berreskuratzea. Lan huekin islatu nahiko nituzke nire oroimenean gordetzen ditudan errealitate zatiak, nire bizitzaren adabaki zaharrak.

Margotzea, zenbaitetan, zenbait oroitzapen gogora ekartzea da, eta horiei argi pixka bat ematen saiatzea, nahiz eta horietako zati asko gordeta geldituko diren nire arimaren barnean. Bestalde, klasikoak oso kontuan hartzen ditut eta, bereziki, nola jakin izan duten adierazten gure oroitzapen kolektiboaren unerik garrantzitsuenak.

Hori dela eta, nire lan gehienetan saiatzen naiz osagai sinpleak erabiltzen; sinpleak baina, aldi berean, denboraren hozkadak jasan eta gainditu behar izan dituzten elementuak. Lan hauetan bizigabeen arimaren barnean murgildu nahi dut eta haien sinpletasuna adierazi, beren berezko edertasunean, eta horretarako fondo beltza baliatzen dut haiek irudikatzeko inolako apaindurarik gabe beren izate hutsean.

HATSA elkartearen ageri bat

2011-12-03T01:04:00.004+01:00

BOST AGERI BERRI

2011-12-03T00:53:00.010+01:00

*** *** ***

BRNO HIRITIK XORIÑO KHANTARI BAT, AINARA MAIA

ZORI-ONAK hegan etortzen omen dira joan ondoren, eta hori da ez-ohikoa

eta datozenean

ausart eta indartsu

airatu behar da

lur hotz honetatik

bihotz epelago horietara...

...banoa,

banator...

http://www.gara.net/paperezkoa/20111124/305422/eu/Izan-gaitezen-zoriontsu

GORA GU TA GUTARRAK!
olerkari ameslaria

*** *** ***

MARISA ARRUABARRENA, ORIOKO ASPALDIKUMEEN AHOTSA

Kaixo kuadrila!!!!!
Egin klik beheko helbidean eta Intza, Olatz eta Julen ikusi.-entzungo dituzue Gipuzkoako Kantu Txapelketan:
GIPUZKOAKO KANTU TXAPELKETAN... BIGARREN!!!!!
Benjondaiela gure gazteei!!!!!!!!!!!!!
http://www.youtube.com/watch?v=kwIYatINKWI&feature=player_embedded

Muxuak. Marisa.

*** *** ***

ASPALDIKUKO NAIARAK BIDALITAKO MEZUA

Opari izugarri eta ederra egin didate eta zurekin konpartitu nahi nuen. Nire lagun baten lagun batek musika jarri dio nire poesia bati. Zehazki, aurten saritu zidaten poesia bati. Letra nire blogean dago:

http://cinemalit.blogspot.com/2011/04/ametsak-irensten-dituen-putzu-ilunean.html

Muxu handi bat

Naiara

*** *** ***

MARTA MAITEA AZAROAREN 25ean IRUÑEAN AURKEZTU ZEN

Marta Maitea,
poesia ekitaldia

AUZOLAN liburudenda (Tutera kalean) aurkeztu zen

Miquel Martí i Pol

Marta Maitea poesia liburuaren ekitaldia, aurkezpena eta irakurketa egin zen.

Marta Maitea egilearen eta Joxemari Sestorain itzultzailearen aurkezpena

- Josetxo Azkona, olerki pasarte batzuen irakurketa egin zuen arrakasta handiz, ohi bezala.

*** *** ***

KEBENKO ELKARTEAREN AGERI BAT

Bi gauzak:

* Euskara egunerako prestatu dugun egitaraua bidaltzen dizuegu.

* Amaiur gazteluaren maketa eta historia ezagutu ditzazun irudia eta lerro batzuk zintzilikatu ditugu blogean.

Euskarak batzen gaitu.

uskaraeguna2010.blogspot.com

Besterik ez. Jaso gure agurra.

Kebenko

Erronkari Ibaxa

HATSA elkartearen ageri bat

2011-12-03T00:46:00.004+01:00

OLERKARIAREN EGUNA

« Olerkarien eguna «Martxoaren 31an "Hatsaren poesia " eguna »ren bezperan , 2 garren «Olerkarien eguna” egituratuko da

Egun hortan ,Euskal herri osoan , edo beste edozoin tokitan ere ,

olerki idazle edo olerkizale norberak aukeratu dezake : gune bat, antzoki bat, taberna bat , berdin enparantza bat ,ots, nahi duen gune bat , bakarrik edo beste pertsona batzuekin , maite dituen euskarazko olerki edo testo poetiko zonbaiten aurkezteko ( eta hori, nahi duen modura , irakurriz,..abestuz…., antzeztuz edo abar…)

Lotura bat, Internetez

(http://olerkarieneguna2.blogspot.com/) eta prentsaz, eginen ginuke denon artean , partehartzale norberak , nun eta ze ordutan egitaratuko luken bere aurkezpena, Martxoaren 20 eko, Hatsa elkarteari, jakinaraziz gero

*******************************************

Azken ohar bat:

Durangoko azokan "Hatsaren Poesia " olerki bilduma 2011"

"Maiatz" argitaletxearen gunean aurkitu ditaiteke

Karmele Igartua Sormen Beka Bergarako Eskolaren eskutik, Ione Gorostartzu irabazle

2011-11-07T11:54:00.010+01:00

Bergarako IDAZLE ESKOLAko gradu-ondokoaren barruan aurten EUSKARA JATORRIAN izenburupean antolatu dituzten IDAZLEAK IRAKURLE MINTEGIEI Orexan emango diete hasiera, AZAROAREN 12an, Paulo Iztueta gidari dutela.

Hantxe irakurriko ditugu Orixeren hainbat testu eta Ione Gorostartzu eta Idazle Eskolako beste hainbat kidek bere testuen irakurketa burutuko dugu, Orixeren omenez.

Ione Gorostartzu KARMELE IGARTUA SORMEN BEKAren irabazlea izan zen poesia sailean, saiakera sailean irabazi zuen Irene Gil-ekin batera. Zorionak haiei Aspaldikuko lagun guztion partetik.

Mila zorion !!

Poema umezurtza guraso baten bila

2011-11-02T10:34:00.002+01:00

Adixkide olerkaria

Hona hemen, mezu honen pean, testu bat, Thierry Biscarry-k
duela 2 urte eskuratu zuena.
Honekin, abesti bat egin nahi luke, baina, bere idazlearen izena galdu du. Zurea baldin balitz, Thierry-ri erantzun bat ematea eskatzen dizugu !

Udazkeneko sua

Udazken sasoineko sua,

burni gori ezpaletan,

ezpataz gorriz zauri,

ingudean urre gorriz,

arratsaren minean

ilargia zilarretan

da ageri

*

Miren Agur Meabe gaur Iruñean

2011-11-02T10:27:00.004+01:00

BERTSOAROA 2011

Poema errezitaldia

Azaroak 3, osteguna

Nafarroako Antzerki Eskolako Xake aretoa. 20:00

Bitsa eskuetan

Poeta: Miren Agur Meabe

Musikaria: Ibone Ibazeta

"Bitsa, paradoxa bat. Bitsa, bizitzaren sintesia. Bitsa eskuetan, bizitza bistan. Arrosa kolorekoa al da bizitza? Gerizak ote dira maite ditugun hildakoak? Zapitxo intimoek zer garbitzeko, zer babesteko, zer ezkutatzeko balio dute? Barne-habitata berratontzeko prozesu baten deskribapena, saxofoi-doinuz lagundurik."

Miren Agur Meabe (Lekeitio). Magisteritza eta Euskal Filologia ikasi zituen, eta testuliburugintzan aritu da hainbat urtez. Idazle gisa, arlo bitan da ezaguna: poesian eta haur eta gazte literaturan. Birritan jaso du Haur eta Gazte Literaturako Euskadi saria, Itsaslabarreko etxea eta Urtebete itsasargian nobelengatik, eta baita Espainiako Kritika Saria ere, Azalaren kodea (2000) eta Bitsa eskuetan (2010) poema-bildumengatik.

Ibone Ibazeta (Lekeitio). Ingeles espezialitateko irakaslea eta Psikopedagogian lizentziatua, musikarekin konbinatzen du irakasle-lana. The Soul Stompers eta Lekitto Band taldeetako partaide da.

Carmen Valois saritua izan da aforismo lehiaketan, zorionak !!

2011-11-02T10:26:00.000+01:00

Oihenart Aforismo I. Lehiaketan finalista gelditu da "Dorotea Hiribarren" izeneko aforismo

bildumarekin. Epai-mahaikide izan dira Agustin Arrieta, Juan Kruz Igerabide eta Fito Rodriguez. Azaroaren 25ean izango da Sari-banaketa

Japoniatik Euskal Herrira Haikuen bidez

2011-10-24T09:48:00.001+02:00

Herria aldizkaria, 2011.01.20

Atzo Senpereko Amotz Larraldean Aspaldikuko Josu Jimenez Maia eta Maite Ramos izan ziren Hatsa Elkarteak antolatzen duen "Maite ditugun olerkariak" saioan.

Haikuak gero eta gehiago jorratzen ari dira Euskal Herrian Japoniak eta Japoniako filosofiak guregan pizten duten interesaren adierazle.

Bildutakoen artean, Agurtzane Anduetza, Luixa Giltzu, Auxtin Zamora eta beste.

Egun zoragarria, sorgin haizeak lagun.

FACEBOOKeko elkarrizketak: aurtengo kongresua noiz?

2011-10-14T12:41:00.003+02:00

Irailak 21
Tere Irastortza
Eta aurten nola dira Nafarroako Poesia Kongresuaren kontuak?
Urriak 10
Juankar LMugartza
Arazoak izaten ari gara kongresua antolatzeko. Lan handia izan dugu aurten eta jende gutxi gauzak prestatzeko. Orain urrian biltzeko asmoa dugu honetaz mintzatzeko, baina ez dakit aurten zerbait funtsezkorik egin ahalko dugunik... gasolina ez ote zaigun bukatzen ari beldur naiz... dena den, pilak oraindik ditugula uste dut eta zerbait halamoduzkoa dugun unean jakinaraziko dizut.

HATSA elkartearen ageri bat

2011-10-14T12:06:00.003+02:00

Adixkide olerkaria Agur !

Oroitarazi nahi dugu:

Hatsa elkartearen "Maite ditugun olerkariak" deitu   ekimenaren barnean, Senpere Amotz-Larraldean, Josu Jimenez-Maia-olerkariak ,''Gerezi garaiko haikuak'' liburuan aukeratu testoak erakutsiko dituela eta aurkeztuko , Maite Ramos-Fernandez, bere lagunak, sortu Haiga -pinturekin batera .

Egitaraua :
Erakusketa iraganen da bakarrik   lau egunez :
Urriaren 22- 23,eta 29-30an (arratsaldeko 3ak eta 7ak artean)

Igandean, 23an:
goizean , ibilalditxo bat Larruneko ekialdeko magalean eginen ginuke.(Hitzordua goizeko 9etan Larraldean ).
1H30 etan Bazkaria (behar beharrezkoa da izenen emaitea 20eko )
Arratsaldean 5etan, Josu Jimenez-Maia, eta, Maite Ramos-Fernandez-en aurkezpen-hitza

.Bestalde, hona bi ageri :

1), Hasier Larretxeak, bere azken  poesi- liburua "Atakak"deitua,  aurkeztuko du Donostiako Udal liburutegiko sotoan, urriaren 17an ,goizeko 12etan
2)Hona hemen lotura bat Hatsaren azken Olerki bilduman agertu diren testoen aipu batzuekin ( Ainara Maiak idatziak)
http://www.gara.net/paperezkoa/20111008/295681/eu/Ez-dok-hamairu.

Hauxe da Hasierrek bidali diguna:

Agur, zuri.

Mezu honekin , urriaren 17an "Atakak" (Alberdania argitaletxea) poesia liburu aurkeztuko dela jakinarazi nahi dizut, eta aurrerantzean ohiko liburudendetan aurkituko duzula begiratu bat eman nahi badiozu, usaindu, ala norabait jaurti.
Gauza aunitz egin daitezke liburu batekin.

Donostiako Udal liburutegiko sotoan izanen da aurkezpena, goizeko 12etan.

Ongi segi,
Hasier.

Ainara Maia GARA egunkarian HATSAren poesiaz

2011-10-13T10:25:00.001+02:00

2011ko urriaren 8a, larunbata… gaur GARAn poesiaz, maiteminez nauzu hiri honetan, negarrez

Urria 8, 2011 atalean xorinokantharia -k publikatua

2011ko urriaren 08a

GARA > Idatzia > Kultura

POESIA

Ez dok hamairu

Ainara MAIA

Aspaldikuko Josu Jimenez Maia eta Maite Ramos Larraldean

2011-09-22T16:38:00.003+02:00

Japoniatik Euskal Herrira

Hatsa elkartearen "Maite ditugun olerkariak" deitu ekimenaren barnean, Senpere Amotz-Larraldean, Josu Jimenez-Maiak, ''Gerezi garaiko haikuak'' liburuan aukeratu testoak erakutsiko ditu eta aurkeztuko , Maite Ramos-Fernandez, bere lagunak, sortu Haiga -pinturekin batera.

Euskal Herritik Japoniarako bidea ezin da asma zoin den luzea ! Baina , Maite eta Josuren urratsak segituz , bai hauek erabili duten sorkuntza artistikoaren E=mc² formulari jarraikiz, segida berean , berehala han gintezke Fujijama ren bisanbis. Nahiz ez hitz berekin, Haikuek eta Haigek instante guzien trinkotasun uniberzala mundu guzian, segunda guziez, erakusten dute, asmaraziz, Japoniako gerezi loreak eta zauriak Euskal Herrikoak bezalakoak direla ! Beraz ametsetazko piaia on , erakusketara etorriko diren guziei !

Egitaraua :

Erakusketa iraganen da bakarrik lau egunez :

Urriaren 22- 23,eta 29-30an (arratsaldeko 3ak eta 7ak artean)

Igandean, 23an:

goizean , ibilalditxo bat Larruneko ekialdeko magalean eginen ginuke. (Hitzordua goizeko 9etan Larraldean).

1H30 etan Bazkaria (behar beharrezkoa da izenen emaitea 20eko )

Arratsaldean 5etan, Josu Jimenez-Maia, eta, Maite Ramos-Fernandez-en aurkezpen-hitza

Hatsa elkartearentzat,

Auxtin

Hatsaren ageri batzu (Aspaldikumeak aipatuz)

2011-09-22T16:29:00.006+02:00

HATSA Elkartetik hiru berri pozgarri ailegatu zaizkigu. Hor dauzkazue denak zerrendatuak. Bertan Aspaldikuko lagunak aipatzen dira: Marisa Arruabarrena, Maite Ramos eta Josu Jimenez Maia... eta Aspaldikume bat, gure etorkizuna: Intza. Benetan bideo ederra !! Benetan olerkari-kantari ezin hobea !!

HATSAREN AGERIA

Egun on Adixkide Olerkaria,

Laburzki hona hemen:
ageri batzu

1) Imanol Irigoien-en : Txoriak txori erakusketa (Garmendi Txokolategia, Oiartzun): hilaren 1ean ireki da eta 30a arte zabalik egongo da, goiz-arratsaldez (jaiegunak barne). Ordutegia: 7:00etatik 13:00ak arte, eta 16:00etatik 21:00ak arte (jaiegunetan 17:00etan , ordubete beranduago, beraz).

2) Intza, Marisa Arruabarrena-ren alaba gaztetxoaren bideoklipa baten erreferentzia hona hemen :

http://www.youtube.com/watch?v=fe4TtZ_ob4w

3) "Maite ditugun olerkariak" sailaren barnean Josu Jimenez eta Maite Ramos-ek , Haiku eta Haiga -haiku irudidunen- erakusketa eta emanaldia proposatzen daukute : Senpere Larraldean, urriaren azken astean

Estreinaldia larunbat 22an iraganen da arratsaldeko 3etan (egitaraua eta azalpen zehatzagoak laister bidaliko ditugu)

Bizia gure eskuetan, HATSAren eskutik

2011-07-19T19:55:00.017+02:00

Agurtzane Anduetzak, bere sorkuntza esperientzia, egunero, jarraikian derama Senpereko Amotz Larraldean: asteazkenetik- igandera (ordutegia:16 etatik-20 etara)

Jadanik asko obra aurkeztu ditu (Ikusi bere blogean ezarri dituen argazkiak : Agurtzane ) Oraino, nahi duenak bisitaño bat egin diezaioke.

Agurtzaneren obrak ospatuko ditugu erakusketaren azken egunean: Uztailaren 30ean arratsaldeko 6etan. Bihotzez gomitatzen zaitugu!

Etorri ! Momento atseginkor bat elgarrekin partikatuko dugu !

Errezitaldia Iruñeko Gaztelu Plazan

2011-06-07T10:47:00.008+02:00

Igandean poesia errezitaldia izan zen Aspaldikuren eskutik Gaztelu Plazan, Iruñeko Liburu Feriaren azken egunean. 7etatik 8ak arteko tartean aritu ziren, gaztelaniaz, Iosu Calvo, Mercedes Viñuela eta Magdalena Ziriza, besteak beste; euskaraz, berriz, Jokin Irigoien, Leire Alonso eta Josu Jimenez Maia. Ohi bezala, aurkezpen lanetan izan zen Consuelo Allué, Aspaldikuburua.

Eskerrak eman nahi dizkiegu Liburu Feriako lagunei tarte bat gordetzegatik poesiari, hala nola errezitaldian parte hartu zuten guztiei.

Gerezi garaiko haikuak Baionako Euskal Museoan

2011-06-01T13:39:00.009+02:00

Atzo eta gaur ospatzen ari dira Maiatz-en 27. literatur solasaldiak, Baionan.

Jardunaldien atarikoan erakusketa berezi bat zabaldu zen. Erakusketa hori Gerezi garaiko haikuak izeneko liburutik ateratako irudiekin, haigekin, osatua da, Maite Ramos Fernandezek eginak.

Erakusketaren aurkezpen testuak hala diosku:

Japoniako kulturak ez du inor epel uzten: batzuek gorrotatu egiten dute; beste batzuek, maitatu egiten dugu. Ezinezkoa da, halere, japoniar bihurtzea, baina hain da erakargarria ezen estilo japoniarra hartu eta geurera egokitzen dugu. Horregatik haikuak idazten ditut euskaraz, oinarri-oinarrizko den estrukturari eutsita, estetika klasiko japoniarra saihestu gabe.

Izenbururik eta errimarik gabeko estrofa laburra da haikua. Haiku batean sentsazioak biltzen dira, zazpi bider bost bidez zazpi silabako artefaktu poetiko batean. Hamazazpi silabatako haiku batean ezer ez da sobera, luzamendurik eta estruktura bihurririk onartzen ez duen olerki mota bat. Haiku argi izpi bat bezalakoa da, istant bat olerki txipi batean bildua.
Horren labur izanik, haikuak iradokitzaileak dira, kontatu baino gehiago iradoki egiten baitute. Haikugile ospetsuenak, Baxô-k, zioen bezala “une jakin eta leku batean gertatzen ari dena” da haikua. Naturarekin estuki lotutako poesia da, naturatik edaten duena. Oro har, haiku guztiek kigo bana dute, urtaroari dagokion hitz giltzarria, eta erakusketa honetan, Gerezi garaiko haikuak liburuan bezala, haiku guztiak sailkatuta agertzen dira urtaroen arabera.

Haiku bakoitzaren osagarri, irudi bat, haiga bat, fude -pintzel- eta sumi -tinta- japoniarrez egina. Maite Ramos Fernandezek egindako irudi eder hauetako bakoitza ondoko haikuaren izpiritua islatu nahi du. Irudiak sinpleak behar dira izan, haikuak sinpleak diren gisara, baina esanahiz beterikoak. Orobat, haigek olerkien sentimendua margotu nahi dute.

Amaitzeko, ez ahantzi haiku baten hitzak olerkariak komunikatu nahi duenaren itzala baizik ez dela: hitzak itzal hutsak dira, baina ez hutsalak. Izanez ere, hitz horien atzean atzemanezinaren errealitatea duzu. Izan bitez biak ala biak, haikuak zien haigak, atsegingarri.

Erakusketa ikusgai egonen da ekain osoan Baionako Euskal Museoan

Hatsaren Eguna Berriozarren, bigarrenez

2011-05-25T19:47:00.006+02:00

Hatsaren Eguna bigarren urtez ospatu zen Berriozarko liburutegian, hilaren 6an.

Poesia emanaldi horretan honako olerkari hauek izan ziren: Auxtin Zamora senpertarra, Josetxo Azkona eta Juankar Lopez-Mugartza irunxemeak, eta Jokin Irigoien, Xabi Lasa eta Josu Jimenez Maia berriozartarrak. Aurkezpen lanetan Pello Uharte Orotz aritu zen, eta, olerkiez landarat, musika pieza ederrak entzuteko parada izan genuen Iñigo Labiano gazte berriozartarraren eskutik.

Bukaeran, Hatsa elkartearen bihotza eta arima den Auxtin Zamorari irudi bat eman zitzaion opari, olerkigintzaren alde egin duen eta egiten duen lan handia eskertzeko.

Eskertzekoa da, era berean, Berriozarko Udalak emandako laguntza eta, esan gabe doa, aldez edo moldez, olerki emanaldi hau egiten lagundu duzuen guztioi mila esker anitz: biba zuek!

Maite Toledo eta Jone Telleria 15 egunez Senpere-Larraldean

2011-05-04T14:44:00.003+02:00

'Maite ditugun olerkariak' 20 garrena

Maite Toledo eta Jone Telleria-k, 15 egunez Senpere-Larraldean eskaini diguten olerki-marraski erakusketa , ''Hatsa'' elkartekoentzat , berezia eta oroitzekoa izanen da . Lehenik , « Maite ditugun olerkariak » deitu sailaren barnean , 20garren sormenezko urrats bat izan delako eta , bigarrenekorik , hitzak instintoan ,instintoa hitzetan,

Maite eta Jonen elkartzea , paradoxia dirudielako: Maitek ,bere idatziak oso landuak ditu ,eta, Jone, bere deseinuetan ,idazkera automatiko batera heltzen ikusi dugu. Maite ,sakonean sartzen delarik , Jone sakonetik jalgitzen da . Baina nabari da , hala ere, bien iturriko fluidioa , inztinktoaren ura dela. Zerbait , hitzekin ,marraskiekin, urrutitik datorrena eta, beren bitartez, gure artean jaiotzen.

Mila ikuspunduetatik ikusi ditaiteken erakusketa hau , emakumetasuna, filosofia, estetizmoa, zozial arloa, abar eta abar ..,asko preziatu dugu, bereziki barnean daukalako : sorkuntzalari autentikoen umiltasuna !

Hatsa elkartearentzat,

Auxtin Zamora

** :Orain arte parte hartu duten 19 ak dira : Edu Zelaieta, Beñardo Goietxe, Juanma Sarasola, Juan Ramon Makuso, Urtzi Urkizu, Belen Oronoz, Oier Guillan, Idoia Beratarbide, Zigor, Ainara Maia, Itziar Gomez, Peio Jorajuria, JoseMari Zendoia, Carmen Valois, Juankar Mugartza, Juan Manuel Galarraga, Mikel Ibarguren, Idazleen Eskola, Mikelazuloko antzerkilariak

HATSAk "Olerkarien eguna"-ren azken ekitaldiaren berri eman

2011-05-04T13:24:00.018+02:00

Iruñean ospatu "Olerkarien eguna"-ren azken ekitaldiari buruzko lekukotasuna eman du HATSAko olerkari Auxtin Zamorak olerkarien egunaren blogean.

http://olerkarien-eguna1.blogspot.com/

Iruñeko "Euskalerria Irratia"-n hitz egin zuen Reyes Ilintxeta kazetariaren saioan.

Olerkarien egunaren azken emaitzak eta lehen ereintzak

"Olerkarien eguna"-ren lehen bultzada aurtengoz, bururatua da, baina jadanik pentsatu dezakegu, datorren urtean ere oraino elgarrekin bide eginen genezakeela.

Hona hemen jadanik "Olerkarien eguna 2"-ren bloge berria:

http://olerkarieneguna2.blogspot.com/

HATSA

Ostiralean, Hatsaren Eguna Berriozarren

2011-05-01T17:56:00.001+02:00

Hatsaren Poesia olerki bilduma 2011 liburuaren aurkezpena eta olerki emanaldia Berriozarren.

Ostiral honetan, hilaren 6an, arratsaldeko 7etan aurkeztuko da, liburutegian, Hatsaren poesia aurtengo olerki bilduma. Hatsa elkarteko arduradun Auxtin Zamoraz gain, olerki bilduma honetan parte hartu duten beste olerkari batzuk ere izanen dira olerki emaldian, besteak beste, Berriozarko olerkari zenbait. Musikaz lagundutako emanaldia izanen da. Bigarren urtez jarraian egiten den ekitaldia hau Zorroka Euskara Taldeak antolatu du Berriozarko Udalaren laguntzarekin.

Olerkariaren eguna... oraindik ere !!

2011-04-18T18:47:00.010+02:00

ETORRI IRUÑERA... HATSA ELKARTEAREN ESKUTIK !!
Auxtin Zamora eta HATSAren POESIA aldizkarian idazten duten nafar olerkari zenbait

OLERKARIEN

EGUNA

DEIALDI IREKIA = HATSAren izenean Auxtinen gonbidapena luzatzen dizuet zuei guztioi... zuk zerorrek, zure bizpahiru olerki irakurri nahiko bazenitu etorri Iruñera eta irakurtzeko aukera izanen duzu...!!

HATSA elkarteak proposatzen digu Euskal Herri osoan, edo beste edozoin tokitan ere, olerki idazle edo olerkizale norberak, gune bat, antzoki bat, taberna bat, berdin enparantza bat, hots, nahi duen toki bat aukera dezan, bakarrik edo beste pertsona batzuekin, euskaraz idatzi eta maite dituen olerki edo testu poetiko zonbaiten, nahi duen modura, aurkezteko (irakurriz edo musikatuz, abestuz, margotuz edo abar).

Lotura bat denon artean, Italian, Erroman, Stagione Lirica di Operetta gunean, Txekian Brno hirian, Herbehereetako Erresumako Amsterdam hirian, Eskoziako Glasgow hirian, Estatu Batuetako New York-en, Baionan Elkar-ren aretoan eta Etxepare Lizeoan, Parise hiri inguruan, Bidarten zine gelan, Donostian, Zugarramurdin, Senperen Zaldubi ikastolan, Errenterian Mikelazulo Elkartean, Zaldibian, Lartzabalen Manex Erdozaintzi-Etxart kolegioan eta Iruñean, jakina...!! Nola ez !! Euskal Herriko hiri buruzagian ibilbide europar honi bukaera emanen zaio...

Lekua = CIVICAN Auditorioa, PIO XII, 2, etorbidea.

Ordua = Arratsaldeko 7,30 (19:30)

Eguna = Apirilaren 20 * Asteazkena

Bestalde

Berriozarren,

Bibliotekan,

« Hatsaren eguna « deitu ekimen bat

Maiatzaren 6 ean arratsaldeko 7etan,

antolatua da !

Denok gomitatuak gira !

Etorri !

gure elkarren olerkiak ,

partikatuko ditugu !

2011-04-15T13:39:00.010+02:00

Josu Jimenez Maiaren liburuaren aurkezpena Baionan, maiatzaren 31n, Maiatz-en Literatur Solasaldien barruan.

Solasaldiak noiztik, noiz arte:
Noiztik: 2011ko maiatzaren 31a. Noiz arte: 2011ko ekainaren 1a.

Ekitaldiak - Literatura

Tokia: Baiona
Gaia : Literatura Berria

Maiatzaren 31n :

18:00 : Josu Jimenez Maia-ren Haiku eta Maite Ramos-en marrazki erakusketaren estrenaldia (ondoko igandea arte iraunen duena)
19:00 : Daniela Albizuren obraren aurkezpena (Joseba Aurkenerena)
19:30 : mahai-ingurua "poesia berriaz"
21:00 : ikusgarri bat (Itxaro Borda, Maddi Oihenart, Jeremi)

Ekainaren 1ean :

19:00 : liburu aurkezpena
19:30 : mahai ingurua "narrazio berriaz"
21:00 : ikusgarri bat, "Hango haize" Gabriel Okoundji Congoko poetarekin.

http://www.eke.org/agenda/1301327753

"Hatsa-ren Poesia" olerki bilduman parte hartzen dutenei

2011-04-04T12:33:00.018+02:00

Atzo, Senperen egun bat "superra" iragan dugu.

Liburuaren aurkezpena, bazkaria, olerki irakurketak, bideoak, zinez bizi-bizian preziatu ditugu. Gure artean, ere ginituen 'Erlaitz', Olerkari umetxoena (15 hilabete) bai eta Goiurri Unanue-Arruabarrena olerkari gaztetxoena (17 urte). Dirudi, duela 13 urte hasitako bideak, bere ardatza, oraino geroari buruz, fermuki atxiki nahi duela.

"Maite ditugun olerkariak " saila ere baikorki doa. Apirilaren 15etik Apirilaren 30a arte, Maite Toledo eta Jone Telleriaren olerki eta pintura erakusketa Larraldean ikusgai izanen ditugu bai eta, Uztaila osoan, Agurtzane Anduetzaneren 'Sorkuntza bizia', ekimena ere.

Azpimarratu nahi dugu ere, "Hatsaren olerki bustiak" deitu aurtengo bideoa gure guzien testoekin bai eta David-Osorio-ren argazkiekin osatua dena, nun nahi ikusi ditaikela, edozoin gertakizun kulturaletan. Bideoa aurkeztu nahi baduzue, sartu harremanetan gurekin.

Bestalde, "Olerkarien eguna" ere, iduritzen zauku arrakastatsuki hasi dela. Parte hartu dutenen lekukotasunak emanen ditugu emeki-emeki, blog honetan:

http://olerkarien-eguna1.blogspot.com/

"Olerkarien eguna" ez da oraino bururatua !

Lartzabaleko kolegioan, Andoaineko institutoan, Baionako Bernat Etxepare ikastetxean, Senpereko Ikastolan, Igantziko eskolan, olerkari gaztetxoek ospakizun batzu aurkeztu nahi dituzte.

Eta azken ekimena iraganen da:

IRUÑEAN,

PIO XII Etorbideko CIVICAN Aretoan

Apirilaren 20ean arratseko 7ak eterditan

Etorri, denok ! Nafartar olerkarien gomitari ihardoki dezagun, eta, gure olerkiak trukatuz momento goxo bat iragan dezagun !

Bururatzeko: liburua eskuratu ezin dutenentzat

1) Apirilaren 17an Saran izango gara

2) Apirilaren 20an Iruñean

3) ... eta beste baldintzarik ez bada, liburua postaz igorriko dugu ! (zure helbidea bidali otoi)

Hatsa elkartearentzat

Auxtin

Joxemiel Bidadorren omenez egindako ekitaldia Nafarroako prentsan

2011-03-31T14:12:00.004+02:00

Joxemielen omenez ekitaldi jendetsua ospatu zen Iruñean iragan asteko ortziralean. Emozioari ezin eutsiz baten batek ezin izan zuen irakurri prestatuta zeukana. Irakurleen artean Jose Angel Irigarai, Iñaki Azkona, Xamar, Patxi Larrion, Josetxo Azkona, Mikel Taberna, Aingeru Epaltza, Inma Errea, Juantxo Urdiroz, Sagrario Aleman, Euskalerria Irratiko Mikel Bujanda, Bixente Serrano, Fito, Fertxu Izkierdo eta beste. Saioa bi lagunek gidatu zuten, horietako bat Kike Diez de Ultzurrun izan zen, hau ere Euskalerria Irratiko esataria (bide nabarrean... noizko litzentzia irrati honetarako?). Bestalde, Aitor Txarterinak eta Asisko Urmenetak mural polit bat egin zuten elkarlanean, testu honi sarrera ematen dion bera.

http://www.dantzan.com/hemeroteka/joxemiel-bidador-omendua
http://www.noticiasdenavarra.com/2011/03/26/ocio-y-cultura/joxemiel-bidador-omendua

Josu Jimenez Maia, Aspaldikumea, haikuen errege MAIATZ aldizkarian !!

2011-03-31T13:56:00.001+02:00

Hauek dira MAIATZ literatur aldizkariak gutxi barru argitaratzeko asmoa dituen liburuak... horien artean Aspaldiku elkartearen harrobiko olerkari Josu Jimenez Maiarena:

-Daniela ALBIZU: Iturri-Aldeko nere leihotik (bere idazlanen bilduma)

-Xabier SOUBELET: Iza ote iza? Olerkiak (Oteiza eta Somaliaren inguruan)

-Odon NOBLIA: Biziaren bidetik. Olerkiak, elebiduna, argazkiekin.

-Eñaut ETXAMENDI 4: Idazlanen bilduma 4 (Maiatz-en agertu elelaburrak)

-Josu Jimenez MAIA, Maite RAMOSen marrazkiekin: Gerezi denborako Haikuak (Haikuak)

Bestalde, Pierre Mestrot-ren “Saiaren mendekua” nobela beltza zuzentze lanetan dago eta luzaro gabe argitaratzeko asmoa du MAIATZ-ek, baina oraindik itxoin beharko dugu pixka bat... Literatur kontuetan, lasai, presarik ez dago.

Xoriño Khantariaren olerki bat, Ainara Maia, Txekiatik

2011-03-31T13:46:00.003+02:00

Kaixo,
zer moduz?

asteburuan, larunbata 2, Brno hirian eguerditik aitzina, ainara batek hegaldatuko ditu euskal hitz poetikoak aire txekiarrean...

asteburu poetiko on
ainara

KANTA POP ALAI BAT UDABERRI HONETAN
poema bat bizitzari, bideari,
helburuei, zorionari, maitasunari, amodioari,
adiskidetasunari, maitasun inkondizionalari,
aurkitutako maitasun galduari
...edo galdutako maitasun gaindituari,
itzuliko denari
enarak ekainero bezala,
haratago, infinitora, utopiara, eramango nauenari
indarberriturik utziko nauen maitasunari
eta sekula ere gehiago sufriaraziko edo negareginaraziko ez nauenari
maitemina izan gabe
kanta pop alai bat zuretzat
isilik
adiskidetzean geratzen den zoriona
kolpean maitasunezko tristura eta mina kitatzean
neska mutilarekin bat
mutila neskaren barnean.
Kanta alai bat zuri
olerki tristeak jasan dizkidazunari irribarre lotsati bat
kukuxumuxu bat zuri
kukuxu bat bezain zoriontsu izan zaitezen!
STASTNY JAKO BLEHA

Una canción alegre pop de esta primavera
un poema a la vida, al camino,
a las metas, a la felicidad, al amor, al amor,
a la amistad, al amor incondicional,
al amor perdido encontrado
al amor recuperado o superado,
a quien volvera
como las golondrinas cada junio,
a quien me llevara más allá del infinito, a la utopia,
al amor que me dejara renovada
y a quien no me hara llorar o sufrir mas
sin dolor de amor.
Una canción pop alegre para ti
en silencio
la felicidad que quedara al reconciliarnos
al quitarnos de encima de golpe la tristeza y dolor del amor.
La chica con el chico
el chico en la chica.
Una canción alegre para ti
una timida sonrisa a quíen ha soportado poemas tristes
KUKUXUMUXU para ti
para que seas tan feliz como un KUKUXU (PULGA)!

Une chanson pop gaie de ce printemps
un poème à la vie, au chemin,
aux objectifs, au bonheur, à l’amour, à l'amour,
à l’amitié, à l'amour inconditionel,
à l'amour perdu trouvé
à l’amour perdu ou dépassé,
à l’amour qui reviendra
comme les hirondelles chaque juin,
à ‘amour qui m’amenera au-delà de l'infini, à l’utopie, à l’amour qui me renouvelé et qui ne me fera plus soufrir ou pleurer sans peine d’amour.
sans amour
une chanson pop joyeuse pour toi
silenceuse
le bonheur qui restera après la reconciliation et d’un coup s’irons la douleur et la tristesse de l’amour.
La fille avec le garçon, le garçon dans l'intérieur de la fille.
Une chanson gaie pour toi
une sourire timide à qui a supporté poèmes tristes
KUKUXUMUXU por toi
pour que tu soi aussi heureux comme un KUKUXU (POUCE)!

Joxemiel Bidador: lagun bitxia, harribitxi bat

2011-03-26T18:09:00.000+01:00

Xelebrea, gure Joxemiel zena. Bitxia eta bizia, harribitxi bat. Honezkero, ni baino jaioagoak diren beste batzuek idatzi dute Joxemiel Bidadorrez, eta zaila da oso ezer berririk asmatzen. Joxemielen buruko isuriaren berri izan nuelarik, maldizioka hasi nintzela badaki batek baino gehiagok. Astebete igaro eta gero, Artikako omenaldi hunkigarria eta gero, olerki bat idazten saiatu nintzen; alferrik, baina!

Toko-k, duela hirurehun urte jaiotako poeta japoniar batek, gaztigatu zigun:

Heriotz-olerkiak,

engainagarriak:

heriotza heriotza da.

Baina aste batzuen buruan, errekasto baten ondotik pasieran nenbilelarik, Joxemiel etorri zitzaidan gogora, eta hamazazpi silabako olerki txiki bat, haiku bat, zirriborratu nuen paper mutur batean.

Urak dakarkit

lagun hila gogora:

Errekan, bizi.

Joxemiel Bidador gure gogoaren errekan, bizi-bizia.

Bidador gogoan, Iruñean, martxoaren 25ean

2011-03-17T10:39:00.004+01:00

Heldu den astean, ezin utzizko ekitaldi bat dugu Iruñean: Bidadorren liburuaren jendaurreko aurkezpena. Mesedez, etorri. Olerkiak, olerkariak eta olerkigintza maite ditugun guztiok hantxe izanen gara Joxemielek egindako deiari erantzunez.

Jakizue Iruñeko Planetarioan izanen dela, heldu den astean, martxoaren 25ean, ortziralarekin.

HUTSEANIKO HAZKURRIA

Ikerle on eta olerkari ezin hobeago baten hitzak dituzue hauek.

Baziren, badira, izanen dira

2011-03-16T13:55:00.008+01:00

"Nafarroako liburuzainak batzen dituen Asnabi-k TK bere aldizkariko azken zenbakia argitaratu berri du. Lan honetan, euskal letren Nafarroako egoeraz galdetu diete hainbat idazleri, erradiografia arras interesgarria osatuz."

Diario de Noticias, Iruñea (Nafarroa).

http://noticiasdenavarra.com/2011/02/08/ocio-y-cultura/cultura/baziren-badira-izanen-dira?pestana=Galerias

Olerkarien eguna, Iruñean, CIVICAN aretoan

2011-03-16T12:35:00.007+01:00

HATSAk Iruñean, Euskal Herriko hiri buruzagian, antolatuko duen irakurraldia Pio XII etorbideko Civican aretoan izanen da, apirilaren 20an, arratsaldeko 19:30ean.

HATSAk gonbitea luzatzen dizu zure olerkiak ekartzeko eta irakurtzeko askatasun osoz Liburuaren Eguna ospatzeko gurekin batera.

Oharra: Olerkariaren egunaren orrian Kondestablearen Jauregian izanen dela esaten da, baina, finean, lekua aldatu behar izan dugu, jauregia aldez aurretik hartuta zegoelako. Barka eragozpenak.

http://olerkarien-eguna1.blogspot.com/

HATSA Elkartearen ageri bat

2011-02-28T13:00:00.004+01:00

Zuri , adixkide
bai eta zure lagun olerkari guzieri !

"Hatsaren Poesia Olerki Bilduma 2011"

Apirilaren 3 ean

Senpere-Larraldean

aurkeztua izango da.

Hamahiru garren aldi honetan oraino,

momento goxo baten elgarrekin

partikatzera bihotzez gomitatzen zaitugu

-12etan; Liburuaren aurkezpena

- Ordu batean : Bazkaria (25euro)

- 3etan; -Idazleen Olerki irakurketa
5etan

-----
'Hatsaren olerki bustiak (2011)" , argazki-olerki ikuskizuna , liburuan idatzi duten guzienen olerki-testo pasarte poetikoenekin ,
eta, David-Osorio-Tijero-ren argazkiekin osatua

----
« Nire olerki mingotsak « Koldo Zubeldiaren argazki-olerki ikuskizuna

Hatsa elkartearentzat:

Auxtin Zamora

P.S Behar beharrezkoa zaigu , bazkarirako, jakitea , etortzeko

gogorik badezun ?

Zonbat pertsonekin etorri zintezken ? Erantzuna bidali

Martxoaren 25eko

******************************************************************************

Liburuan parte hartu dutenen idazle eta taldeen izenak , hona hemen :

Agur-Meabe Miren, Aiastui Jon Aintziart Piarres , Albizu Daniela, Andoain-Leitzaran Institutua DBH 4., Anduetza Agurtzane, Anduetza Maddi, Anselmi Luigi, Apaolaza Juan Mari, Arruabarrena Marisa , Artze JosAnton, Azkona-Garcia Jose, Azkune Mendia Iñaki, Azpeitia Mikel , BalentziaT-irapu Joakin, Barroso Ekhi , Basterrika Iñaki, Beratarbide Ainara , Bernat Etxepare Lizeoko TZ1, Bernat Etxepare Lizeoko TZ2, Biscary Thierry, Borda Itxaro , Bordaxar Joane , Casenave-Harrigile Junes, Davant J.Luis, Egiguren-Azkune Ekiñe , Esteban-Ramirez Karmen , Etxamendi Eñaut, Etxezaharreta Lucien, Fernandez Iker , Frutos Usoa, Galarreta Xabier, Garcia Etxandi , Goietxe Beñardo , Gomez Itziar , Gonzalez De Durana Rikardo, Gorrotxategi Aritz , Guillan Oier , Guilzu Luixa , Ibaibarriaga Imanol , Ibarguren Mikel , Ibarluzea Miren , Igantziko Eskola 3 garren zikloa , Igantziko Eskola 2garren zikloa , Igerabide Juan-Kruz , Irastorza Extefana , Irazoki Dani , Irigoien Imanol , Irigoien Jokin , Irigoien Juan Mari , Iturrioz Andoni , Itzaina Xabier , Izkierdo Fertxu , Jimenez Maia Josu, Jorajuria Peio , Kazabon -Amigorrena Antton , Korta-Rekarte Gabriel , Lafond Karlos, Larretxea Hasier , Manex Erdozaintzi-Etxart Kolegioa 3 , Manex Erdozaintzi-Etxart Kolegioa 5.A- , Manex Erdozaintzi-Etxart Kolegioa 5.B- ,Lizeaga-Tamayo Eukene , Lopez Mugartza-Juankar , Macklin Elizabeth , Maia – Urroz Ainara , Makuso Juan Ramon , Manex Erdozaintzi Kolegiooa , Mendizabal Alex , Monje Aitor , Olaso-Bengoa Aitor , Ormaetxe Hilario , Otamendi Jose Luis , Otxoteko Pello , Renteria Aitziber , Rodriguez Fito , Sainz Urtzi , Salamero Andoni , Sanchez Naiara , Sarasola Asier , Sarasola Juanma, Senpereko Ikastolako 3 garrenekoak , Senpereko Ikastolako 4 eta5 garrenekoak , Solorzano Graxi, Soubelet Xabier , Susperregi Iñigo , Taberna Mikel , Tambourin Marikita , Tijero-Osorio David, Tobar-Arburu Joseba, Toledo-Saralegi Maite, Unanue Arruabarrena Goiuri , Urkizu Urtzi , Valencia Josiane, Valois Carmen, Zabala Juan Luis, Zaldua -Arrillaga Amaia , Zaldua Iker , Zamora Auxtin, Zelaieta Edu, Zendoia Josemari, Zubeldia Iñaki , Zubeldia Koldo

Bestalde

"Olerkarien eguna" ospatuko dute:

-Txekian (Brno hirian ): Ainara Maia(Apirilaren 2an)

********************************
- Baionan( Megadendan) : Xabier Soubelet eta Joseba Aurkerenenak,

abesti eta olerki emanaldi bat emanez (Apirilaren 2an )

*******************************************************

- Iruñean :(Nafartar olerkari talde batek)

Apirilaren 20an

Pio XII etorbideko CIVICAN aretoan (19h30)

**************************************

-Zugaramurdin: Agurtzane Anduetzak( Apirilaren 2an)

« Sorginalde » tailer-gunean

***********************************
- Senperen : Zaldubi Ikastolak( haurren irakurketa batekin )
" " " " " " " " Auxtin Zamora-k (Apirilaren 2an)

bere bi olerki irakurri eta aurkeztuko ditu

Urdazuri bazterreko parke publikoan

********************************************

Errenterian: Mikelazulo elkarteak( Apirilaren 2an)

******************************************

Zaldibian Koldo Zubeldiak bere azken (Apirilaren 2an)

olerki bilduma "Aralar gogoko iturri"

aurkeztuz

Karrerainea Kultur etxean

Apirilaren 1ean

arratseko 7ak /30 etan

*******************************

« Olerkarien egunea »n , euskaraz idazten duten olerkarien artean , pentsamenduzko lotura bat , egiteko , eskatzen dugu , denok , nunbait , (berdin, gure bizitokian) olerki bat bederen irakurtzea . Nahi badezu, zure ekimena jakinaraziko ginuke , blog honen bitartez :

http://olerkarien-eguna1.blogspot.com/

Ezari emanak ezak eramaten du

2011-02-24T11:52:00.003+01:00

“Ezari emanak ezak eramaten du”. Tere Irastorzaren hitzak dira. Burlatako Kultur Etxean emandako saioan, hainbat eta hainbat kontu interesgarri adierazi zuen olerkari zaldibitarrak.

Hasieratik beretik adierazi zuen poesiak edertasuna bilatu behar duela, “ezari emanak erak eramaten baitu”. Poetak arnasa hartzen eta ematen ikasi behar du. Poema bat idazterakoan, ez da nahikoa norberaren nitasunaren berri ematearekin, eta harago joan behar da, bestearengana, bestearenganako espazioa sortu behar da. Bestela, poesian sentimentalismoan geratzeko arriskua dago eta, Tere-ren hitzetan, ”sentimentalismotik sentimenduetara jauzia dago.”

Irastorzak esan zuen, egun, poema bat gustagarria da baldin eta bi baldintzetakoa betetzen badu:

Lehenengo baldintza: poema gustagarria izanen da, baldin eta lehendabizikoan ulertzen bada
Bigarren baldintza: poema gustagarria izanen da, baldin eta harritzen bagaitu.

Era berean, Oihenart-ek zioena ekarri zuen gogora: poesiak hitz-neurtua izan behar du, hitz bat ere sobera, hitz bat ere falta.

Amaitzeko, zer pentsaturik ematen duen Tere-ren esaldi biribil bat: “Poetak bere irakurleak aukeratzen ditu, aukeratu behar ditu”

HATSA elkarteak bere bloga

2011-01-10T01:04:00.001+01:00

Urte berri blog berri...

Olerkari laguna,

Apirilaren 2 an, egituratu nahi den , "Olerkarien eguna" , aski aurretik moldatzeko , Blog baten helbidea ,hona hemen :

http://olerkarien-eguna1.blogspot.com/

Denon parte hartzea , indibidualki edo taldeka ezin preziagarria litaike.Pasa mezua !

Bertzalde, 2011 ko ''Hatsaren Poesia'' bilduma, egunetik egunera osatzen ari da, oroitarazten dugu,testoen igortzeko epea: Urtarrilaren 31 arte dela.

Tailerreri dagokionez , Juanma Sarasola , Bernat Etxepare eta Larzabal Ikastetxeko ikasleekin bai eta Marisa Arruabarrena , Orio-ko Instituko gazteekin gerturik dira aurten Poesia lantzeko eta Bilduman parte hartzeko

Goraintziak denoi !

Hatsa elkartearentzat
Auxtin

Marisa Arruabarrena Elizalde olerkariaren egutegia

2011-01-03T02:21:00.001+01:00

25a iritsi zela eta
Ekainaren 25a iritsi zen,
hura ere pasa zen.

Uztailak 9 ditu.
Primeran,
dena espero bezala.

Abuztuak 2
Lan berriak, adi!
Radioak erretzen zaitu
bai barrutik
eta
baita kanpotik.

Urtarrilean hasita
barrendik kiskali zintuzten.
Eguzkiaren hilabetean,
aldiz,
kanpotik.

Zenbat maite zaitudan
esan nahiko nizuke.

Azala belztuta
formak galduta
eta hala ere
munduaren jabe.
Irailera iritsi gara
bai 2ra
eta
baita 9ra
eta jakina,
Kontxa gurea dugu.

Elkar besarkatu.
Orain arte eman gabekoak
nabaritu,
askatu,
hartu,
sentitu,
gozatu,
errotu,bizitu…

Zenbat maite zaitudan
esan nahiko nizuke

Urriak 26
notizia onak.
Besterik ez.
Bilboko PET,
oraingoz deusez.

Azaroak 26
Zenbat maite zaitudan
esan nahiko nizuke.

Lasaiago nago,
bai badakit.

Hala ere,
oraindik,
inork ikusten ez nauenean,
isilka, ezkutuka
egiten dut negar.

Bai, malkoak aldatu dira.
Ez, hauek ez dira
garratzak,
mikatzak,
mingotsak...,
zorionez.

Bai, malkoak aldatu dira.

Hauek, zorionez,
gozoak eta eztiak
dira.

Baina
malko izaten jarraitzen dute.

Ezin dira geldirik egon,
irten beharra daukate.

Eta zenbat maite zaitudan pentsatzean,
dantzan eta jirabiran
ur-jausi moduan
uholde tamainan
ari dira
kartzelan dagoenaren itxuran
ihes egin nahian.

Zenbat maite zaitudan
esan nahiko nizuke.

Agian, azkenean,
hau irakurtzean
jakingo duzu …

ZER?

Ba, hori:

ZENBAT MAITE ZAITUDAN!!!

07-11-26

Karmele Igartua eta Tere Irastortza, Joakin Balentzia eta Josurekin, Hatsaren Poesiaren omenez

2011-01-03T01:25:00.006+01:00

Ur goiena, ur barrena... argazki zahar batzuk... Karmeleren omenez...

http://picasaweb.google.com/jkmugartza/HATSARENPOESIARENOMENEZ# 2008/03/10

Karmele Igartua eta Carmen Valois, Iruñean, Hatsaren Poesiaren omenez

2011-01-03T01:23:00.009+01:00

Karmele, urte berri... ura, sua, haizea..

http://picasaweb.google.com/jkmugartza/HATSARENPOESIARENOMENEZ# 2008/03/10

TK aldizkaria, karrikan da (22. zenbakia)

2010-12-27T12:18:00.010+01:00

Nafarroako Liburuzainen Elkarteak 2010eko abenduko zenbakia plazaratu du berriki. Joxemiel Bidadorri eskeinitako alea da. Oso ongi argitaratutako aldizkaria da... Hatsaren Poesiaren antzera, aldizkaria baino liburu bat dirudi.

Bertan hainbat idazle nafarren iritziak jasotzen dira "Euskaraz idaztea Nafarroan" gaiaz. Hona hemen iritzi horietako batzuk:

* Anjel ERRO : "Nafar idazle baten lana "saritua" izan denean, Nafarroatik kanpoko instituzio batek egin du (dela publikoa, Euskadi Sariak bezala, dela gutxi gorabehera akademikoa, Kritika saria bezala, edo dela guztiz ekimen herrikoikoa, orain gutxi irakurle talde batek martxan jarritako 111 akademia)."

* Patxi LARRION : "Idaztea, idaztearen ekintza ezer bada, jarduera pertsonala da, baina, plazarik gabe nekeza egin ohi da, eta hau idazten duenak birtuala baino haragizko plaza nahiago."

* Jon ALONSO : "Honez gero ez dut uste inork, fundamentu pixka batekin arituz gero, uka dezakeenik euskal idazleen bazterketaren oinarrian bulkada politiko dagoenik. Euskarazko edozein manifestazioaren aurka dagoen bulkada berbera. Nafarroako bizitza publikotik -hartaraz gero, pribatutik ere bai, baina horrek ez du hainbeste inporta- euskara desagerrarazten tematzen den jende horren bulkada ezagun hori."

* Josetxo AZKONA : "Beraz, euskarak gure lurraldean dituen hiztun-kopuruari erreparaturik -aski urria bera, gehienez jota, populazioaren %12-, errateko gisan gaude halako idazle multzo trinkoa badela gure lurraldean. Gabeziak gabezia, euskal letren jarraitasuna ez da eten Nafarroan, ez horixe !"

* Aingeru EPALTZA : "Handia da, gero. Iruñean, urrikalmendu begiradak sumatu izan ditut neure burua euskal idazle gisa aurkezturik. 'Nora hoa, gizagaixo hori, lau katuk ere erabiltzen ez duten hizkuntzan idazten !'"

* Inma ERREA : "Nafarroan gertatzen ari dena da horren adibide. Agintariek ez dute nahi euskarak aurrera egitea, eta horretarako klase orotako trikimailuak baliatzen dituzte. Esaterako, literaturaren alorrean, euskaraz idazten dugunok ikusezin bilakatzen saiatzen dira, baina horrekin ez dute lortzen gaztelaniazko literaturari bultzada ematea Nafarroan. Besteak beste, gaztelaniaz idazten duten idazle nafar asko ez direlako euskararen arerio, eta hori, euskal kulturaren arerio ez izate bera, baztertua izateko arrazoia bilaka daiteke Nafarroan. Penagarria da hizkuntza bati herra erakustea, penagarria, itogarria eta antzua."

* Josu JIMENEZ MAIA : "Adierazgarria den beste adibide bat. Iaz Iruñeko Pamiela argitaletxeak atera zuen Siete Poetas Vascos liburuan, Jose Angel Irigarai handiak apailaturiko liburua, Luigi Anselmi, Bernardo Atxaga, Jon Gerendiaga, Tere Irastortza, Xabier Lete, Xabier Montoia eta Joseba Sarrionaindiaren liburua ezagutzen al dute Nafarroako poeta erdaldunek? Irakurri dute? Lepoa eginen nuke ezetz. Eta ele biz egin zen antologia hura.

* Joakin BALENTZIA :

Ezagutzen ez duena gaitzesten duen horri
eskaini nahi diot
ene hitz arrotz hau,
apalki, badaezpada ere,
ulergarri ere bai,
ez nahasteko moduan;
itzultzaile iaioak direnez gero,
ene berba barbaroak
egokituo dituztelakoan nago:
ni hemengo naiz,
jaiotzez, legez,
bihotzez, gorputzez,
ametsez, heriotzez,
hauxe da ene lengoaia propioa,
odolez egindakoa
mende anitzetan zehar;
zu mintzatzen hasi baino lehen
hemen nengoen ni,
hiztun, sinestun,
ene mito eta jainkoekin,
bakean,
lurralde lau eta malkar hauetan,
lagunen artean,
solas, maitasuna egiten,
noizbait itsasoari
baina beti eguzkiari so
ama lurrarekin loturik;
baina zuk, ezagutzen ez duena
erdeinatzen duen horrek
ez duzu ikasi nahi
orain dudan kezka guztia
bihotzean, gorputzean,
heriotzan, odolean,
eta nire lengoaia berezi eta zaharra
arbuiatzen duzu
modu basati batez,
eta ez dugu elkar ulertzen jakina;
zure hizkuntza ikasia dut
halabeharrez, nahitaez,
baina zuk, berriz, nirea ez,
eta elkar joka gabiltza aspalditik:
otoitz egin dezagun,
edozein hizkuntzatan,
jainkoren batek gorde gaitzala
bion bihotza,
herioak aginduta,
izoztuta ez geratzeko.

Euskal Poesia Nafarroa Garaian... non argitaratu ??

2010-12-22T13:15:00.007+01:00

Euskal literatur aldizkarien kontuetan Nafarroa Garaian ez dugu deus... basamortu bat da... baina basamortuen kontuan ere, basamortuak eta basamortuak badira... eremu soildua da gurea... urik gabeko basamortua (basamortuetan ohikoa den bezala), noizbait ur putzu ugariak zituena eta Korrok aldizkariaren garaian itsaso bat izan zena (itsaso zabal bat, beti itsaso hitzari "zabal" adjektiboa erantsi ohi baitzaio).

Nafarroako basamortu honetan urik ez dago eta ura ekartzen baduzu kantinplora kentzen dizute, basamortu honetara ura ekartzea debekaturik baitago. Nazka eta guzti ematen du.

Gauzak honela... Aspaldikukook behin baino gehiagotan galdera hauxe egin diogu geure buruari: Nafarroa Garaiko olerkari batek ba al du olerki solte batzuk argitaratzerik Nafarroa Garaian literatur aldizkaririk ez dagoela kontuan harturik ?

Arazoa, agian, ez da horren larria eta aldizkaririk ez izateak beste problema batzuk konpon ditzake, adibidez, kalitate txarraren auzia. Izan ere, zure olerkiak oso txarrak badira, hobe da ez argitaratzea, herriak eta euskarak eskertuko dizu. Baina ez argitaratzea aldizkaririk ez dagoelako, non argitaratu ez dagoelako... hori ez dun/duk bidezkoa...!! gure hizkuntzaren aurkako erasotzat hartzen dut nik. Finean, edozein idazlek izan beharko luke eskubidea nahi lukeen guztia plazaratzeko, txarra izan edo ona izan, berdin zait, beste gauza da, jakina, ea irakurleak irakurriko dizuten edo ez... baina hori beste kontu bat da.

Baina, argitaldaririk ez badago, argitalpenik ere ez, eta, aldiz, euskararen kontra dagoen kultur politika bat baldin badago, hain zuzen ere, galerazteko euskal aldizkariak sortzea, orduan, zer egin ? Nafarroa Garaiko euskal prentsa ito nahi dute... euskal aldizkari (Guaixe...), irrati (Xorroxin, Beleixe... Euskalerria Irratia...!! - irrati honen kasua lotsa emateko modukoa da, baina aurpegihandi jetapalo hauek ez dira, ez, inolaz ere lotsatzen) eta telebistak (Ttipi-ttapa)... gure espresabide guztiak arazoek itota dauzkate, diru laguntzarik gabe, oztopoekin eta trabekin alde guztietan...

Nafarroako Admistrazioak gure prentsarekin honen zikin eta zeken jokatzen badu, nola jokatuko du beste era batera gure kulturarekin, gure literaturaren, euskal literaturaren alde... ? Haiei euskal literatura bost axola zaie... (ezta bost ere...!)... euskal abizena duen guztia gorrotatzen dute... euskal poetak ? zoaztela Euskal Herrira ! (Nafarroatik kanpo esan nahi dute ezjakin horiek, Aspaldikukook ongi dakigun bezala... izan ere, Tuteran master bat eman ziguten... "euskaldunegiak" omen ginelako.)

Baina, berriro ere...

Olerki gutxi batzuk argitara eman nahi badituzu, ideia solte baina (zure iritziz) garrantzitsu batzuk komunikatzeko beharra baduzu eta Nafarroa Garaian bizi bazara... non argitaratu...?

Hatsa aldizkariak poesian betetzen du hutsunea... eta Maiatz aldizkariak, poesiaz gainera, euskal literaturaren gainerako alorretan ere... Lapurdi, herrialde txikia... baina literaturaren aldetik hagitz handia... Nafarroa Garaia bera ere baino handiagoa... Lapurdik arintzen digu Nafarroa Garaian sentitzen dugun mina... neurri batean Euskal Herri osoa da Nafarroa eta, hori dela eta, Senpere eta Baiona dira Aspaldikukoontzat Nafarroako hiriburu literarioak. Eta, horregatik, baztertu dugu aldizkari bat sortzeko ideia... gainera, agian, ez genukeen lortuko.

Joxemiel Bidador, poeta, Hutseaniko hazkurria, Pamielaren eskutik

2010-12-22T12:44:00.005+01:00

Joxemiel Bidador, Pamielaren eskutik !!

Kaixo Joxemiel... ez nekian zeruan ere idazten ariko hintzenik... jakina! leku bat baldin badago aproposa eta gozoa idazteko hori zeruak behar dik !! Ba, zer esan, mila esker Olentzero baihintzen ekarri diguan gabonetako opari polit honengatik... irakurriko diagu, ez zalantzarik izan !!

Hutseaniko hazkurria eta beste

http://www.pamiela.com

Amaia Lasa, itsasoko izakia, Maiatz aldizkariaren eskutik

2010-12-22T12:24:00.007+01:00

Amaia Lasaren liburua argitaratu du Maiatz aldizkariaren elkarteak. Nafarroako Poesiaren Lehenengo Biltzarrean emakumea eta euskalduna izateagatik hitza kendu nahi izan zioten, orain inork ere ezin izanen du isilarazi...!!

1. eke.org

2. eke.org

3. diariovasco.com

MAIATZ 51, karrikan da

2010-12-22T12:07:00.004+01:00

MAIATZ 51...

Ongi etorri...!!

http://www.uberan.org/bestelakoak/maiatzeko-loreak-neguan

Gaur egun Iparraldeko bi aldizkari ari dira Euskal Herri osoko literatura sostengatzen... Senpereko Hatsa da bat, Baionako Maiatz, bestea.

Mila esker zuen lanarengatik !!

Bergarako Idazle Eskolako agiri bat

2010-12-13T11:48:00.009+01:00

Pixka bat berandu gabiltzan arren... hona iritsi zaigun mezu garrantzitsu bat... ez dugu uste arazorik izanen duzuenik matrikulatzeko epea bukatuta izanik ere... animatu eta matrikula zaitez!!

IDAZLEAK IRAKURLE MINTEGIAK

HARIA: AMODIOAK ETA EZA

Amodioa , garaian-garaian aldatzen dena, norberak bere bizitzan pluralean jokatzen erakusten duen sentimetua, bizigai eta bizi-iturri ere izan daiteke. Eta ezak, edozein kausa duela oinarrian, batez ere amodiorik eza itzulingurukatzen du, islatzen du, saihesten du. Horregatik bata pluralean eta bestea jarri dugu singularrean, auzia hain sinple balitz bezala.

Eta horren inguruan hautatu ditugu zazpi irakurgai euskal testuetan, nahiz eta hainbat hitzaldi eta eskoletan ere gaia tratatuko dugun.

Aurtengo saioa aurkezpen berezi batekin hasi zen : Karmele Igartua Gogoan izenekoa. Publikoa eta iragarriai izan zena.

HELBURUAK

1.- Gonbidatutako idazleak bere obra nola idatzi duen jakinaraztea eta bere obra ezagutaraztea.

2.- Gonbidatutako idazleak, bere obra hau idaztean irakurri dituen edota idatzi ezin izan dituen beste liburuekin sortzen diren harremanez aritzea.

3.-Idazle baten obra jakin bati buruzko hausnarketa kolektiboa piztea IDAZLE ESKOLAko ikasleen artean , eta horrekin batera, irakurlearen pertzepzioaz hausnartzera bideratzea

4.- Urtero dagoeneko klasiko – eta beraz ezezagun xamar – bihurtu den idazleren baten irakurtzea bultzatzea. Txomin Agirre 2010-11 ikasturtean

SAIOA NOLA EGITURATZEN DEN

15 minutu inguru : IDAZLE ESKOLAko ikasleek egiten dute idazlearen aurkezpen saioa. Mintegi hauetarako, ikasle-aurkezleek aurkeztu behar den idazle gonbidatuaren obra irakurrita izango dute, eta helburua da lotzen gaituen gaia ardatz, zergatiei eta nolakotasunei erreparatzea.

75-90 minutu ingurukoa : IDAZLE GONBIDATUAREN saioa.

15-30 minutu ELKARRIZKETA entzuleek ere obra hori irakurrita izango dute, eta hitzaldiari buruz edo irakurritako liburuari buruzko iritzi trukaketa izango da.

EGUTEGIA

DATA	EGILEA	OBRA	AURREKO SAIOA
2010-11-13	Karmele Igartua Gogoan	Denbora Enaren hegaletan Pamiela
2010-12-11	Edorta Jimeenez	Haragizko amoreak. Susa	Hitzaldia : LASA.K.-RODRIGUEZ;F. Diderot eta estetiakren iraultza
2011-1-22	Eider Rodriguez	Katu Jendea Elkar	Hitzaspertua : DIAZLE ESKOLAKO Aldizkariaz eta proiektuez
2011-II-12	J. Elortza	Txomin AGIRRE. Garoa eta Kresala	Hitzaldia T. IRASTORTZA. Amodioaren geografia euskal kantutegi tradizionalean
2011-3-12	Yurre Ugarte	Gasolindegia. Alberdania	Hitzaldia T. IRASTORTZA. Amodioak eta Biblia. Ruthen liburua eta Kantarik ederrena
2011-IV-9	Miren Agur Meabe	Bitsa eskuetan.Susa
2011-V-14	Zehazteke		Hitzaldia : LOZANO,Joseba Nola idatzi best-seller bat

Ikasle guztiek irakurri behar dituzte zerrendan diren liburuak. Gero komeni da, egile bakoitzaren IKASLE TALDEAn, ahal dela, egiilearen lan gehiago irakurtzea.

Idazleak Irakurle Mintegietan parte hartzen duten ikasle guztiak etorri ahal izango dira aurretik dauden hitzaldietara.

IKASLEEKIN LANTZEKO HELBURUA IZAN DAITEKE Ikasturte bukaerarako Amodioaz eta ezaz antologia.

MATRIKULAZIOA

Azaroaren 15etik Abenduaren 11 bitartean

Bete itzazu ondorengo datuak eta bidali: idazleeskola@idazten.com helbidera.

Izen abizenak:...................................................................................

Posta helbidea:...................................................................................

Helbide elektronikoa:.............................................................................

Tfonoa:......................................................................................

Prezioa: 200 euro
Ikasle ohiak 100 euro eta EIEko bazkideak 20 euro.
2008-09an 1. mailako ikasle zirela edota 200-10ean 2. mailako ikasle zirela IDAZLE ESKOLAkok bekan parte hartu zenutenok ez duzue ordaindu beharrik, baina bai goiko fitxa bete beharra.

Zure datuak jasotakoan esango dizugu ordainketa nola egin.

Poesia tailer batzuen ideia... Hatsaren eskutik

2010-12-09T09:20:00.005+01:00

Hatsa Elkartearen ageri bat

Poesia tailer batzuen ideia

Nahi ginuke, "Hatsaren poesia" liburuan parte hartzen duten idazleekin, poesia tailer batzu bultzatu.

Tailerrak dohainik egin beharko liezke eta parte hartzaleek ez lukete ezer ordaindu beharko. Helburu nagusia litaike, tailer horietarik jalgi Olerkiak, "Hatsaren Poesia" urteko bilduman ezartzea.

Beste behin batez, gu guzien erdian,

Poesiak egin beza bide !

Adixkide Olerkaria, goraintziak eta izan ontsa !

Hatsa elkartearentzat

Auxtin

Sorkuntza biluzia... Hatsaren eskutik

2010-12-09T09:19:00.003+01:00

Hatsa Elkartearen ageri bat

"Sorkuntza biluzia" (sail berri baten itxaropena)

Hatsa elkartearen babesapean, Senpere Larraldean, beste ekintza poetiko bat egituratuko da, datoren Uztailean. Hor hilabete osoan, "Bizia eskuetan" lemarekin, Agurtzane Andueza, Zugarramurdiko, "Sorginalde" deitu tailerreko arduradun olerkari eta artista, izanen da, gure protagonista Pintura, Zizeldura, Argazkigintza oinarritzat hartuz, etorriko diren ikusleen ideia eta parte hartzearen laguntzarekin, Agurtzanek, lekuaren gainean, eta, momentoan momentoko asmakizunen bitartez, sortu obrak, ditu hor aurkeztuko.

Olerkarien eguna... Hatsaren eskutik

2010-12-09T09:17:00.004+01:00

Hatsa Elkartearen ageri bat

Olerkarien eguna proposatzen dugu: urte guziez, « Hatsaren poesia eguna »ren bezperan, « Olerkarien egun » bat egituratzea (aurten: Apirilaren 2an)

Egun hortan, Euskal herri osoan, edo beste edozoin tokitan ere, olerki idazle edo olerkizale norberak, aukeratuko luke : gune bat, antzoki bat, taberna bat, berdin enparantza bat, hots, nahi duen gune bat, bakarrik edo beste pertsona batzuekin, maite dituen olerki edo testo poetiko zonbaiten aurkezteko ( eta hori, nahi duen modura, irakurriz... abestuz… antzeztuz edo abar… )

Lotura bat, Internetez eta prentsaz, eginen ginuke denon artean, partehartzale norberak, nun eta ze ordutan eginen lukeen bere aurkezpena, Martxoaren 20ko, elkarteari jakinarazi baleza.

Datorren urtean, « Hatsaren Poesia » eguna iraganen da Apirilaren : 3an Larraldean Senperen eta, beraz , « Olerkarien eguna » , norberak aukeratu tokian, bezperan : Apirilaren 2an.

Olerki galdera... Hatsaren eskutik

2010-12-09T09:12:00.005+01:00

Hatsa Elkartearen ageri bat

Aurten ere, "Hatsaren Poesia", olerki bilduma oraino, 13 garren aldi batez, aurreratzeko bidean eman nahi ginuke.

Aldi oroz bezala itxaropen haundi batekin pentsatzen dugu oraikoan ere Olerkari askoren partehartzeak ez digula huts egingo.

Badakigu, poesia munduan, ez litaikela mugarik eman behar, baina materialki ezin bestean, olerkien bidaltzeko epe bat finkatu dugu, hau da, Urtarrilaren 31

Aipa ere zuen inguruan

N.B : Zuen aurpegiaren argazki berri bat behar ginuke, bai eta ere, jakin noiz eta nun sortua zareten

Agur ! Xabier Lete !

2010-12-09T08:59:00.010+01:00

Hatsa elkartekoek, penatuki hartu dugu, Xabier Leteren heriotzaren berria. Dolumin sakonenak, hurbiletik hunkituak izan diren guziei, eskaintzen diegu !

Bihotzminaren bazterrean, badakigu, hala ere, poesiaren eremuetan, gureganatu ditugun, bere abesti eta poemak, betirako biziko direla !

Agur ! Xabier Lete !

Ixuri duzun hitza, lore hautsa zen !

Gaur, lasaitu zaitezke ! Erein duzun olerkien sorro zabala, jadanik, belar-izarrez hasia da hozitzen !

Karmele Igartuari omenaldia Bergaran

2010-11-02T21:07:00.007+01:00

Azaroaren 13an Bergarako UNEDen eta eguerdiko 12:00etan Karmeleri egin behar zaion omenaldia hasiko da.

Karmeleren idatziak eta olerkiak irakurriko dituzte Bergarako Idazle Eskolako lagunek eta haiek berek sortutako zenbait ere bai. Karmele, Bergarako Idazle Eskolako partaidea zen, eta, hala izanik Eskolan utzi dituen lagunek omenalditxo bat egin nahi izan diote eta denok gonbidatuta gaude. Lagunek idatzitako olerkiek AIREA, LURRA, SUA (pasioa, amodioa) edo URA izanen dute gaia.

Partaideak: Gorka, Tere Irastortza, Rosa, Juan Kruz Igerabide, Garazi, Jose Anjel Irigarai, Alaitz Vives, Juan Mari Apaolaza, Axun Gereka, Izaskun Etxeberria, Iñaki Zubeldia, Doltza Barandiaran, Oihana Gallo, Leire Zubeldia, Inaxio Ziortza, Ainara, Iñaki Odriozola, Jerardo, Ana, Jose Luis, Joseba, Carmen Valois, Eneko, Auxtin Zamora, Juankar, Ione Gorostarzu, Amaia, Fito, Miren Deskarga, Ana Galbenzu, Ione Solabarrieta, Juan Luis Mugerza, Itziar Gomez eta Bergarako Idazle Eskolako ikasle zenbait...

Koldo Zubeldia, Zaldibiako Herri Antzokian

2010-11-02T20:42:00.015+01:00

KOLDO ZUBELDIA
"Sentimenduen ildotik"

Irakurketa
hitzak eta musika

Azken aldiko pentsamenduak eta sentipenak adieraziko ditu, poesia eran

Laguntzaile berezia:
PELLO RAMIREZ (esku-soinua joz)

Aurkezle-animatzailea:
Koldo Goitia

Non: Zaldibiako Herri Antzokian (Zaldibia)

Noiz: Azaroaren 5a, ostiralarekin

Ordua: Arratsaldeko 7,30etan

Zatoz !!

Ainara Maiaren iritzia Pello Otxotekoren liburuaz

2010-10-02T21:06:00.002+02:00

POESIA

ANPHORA BAITA

Pello Otxoteko

91 or

HUSTU BETETZEKO

Definizioz definizio esaten dit zer den anfora poetak. Eta neure izaera mutura hurbildu naiz.

http://xorinokantharia.wordpress.com/

Tere Irastortza olerkaria, idazlea eta olerkarien eta idazleen irakaslea

2010-09-27T16:14:00.011+02:00

Boticelliren Venus, Euskal Herriko Mariren pare

Tere Irastortzak poesia tailerrean irakatsi zigun bezala, idazleak Boticelliren Venus ospetsuaren antzera jokatu beharko luke, inguruetan daudenak kontuan hartuz, jakina, baina bere biluztasuna estali edo putz eginez beroa arindu nahi dioten hauei erabateko jaramonik egin gabe, aurrera so egin behar baitu idazleak, alboetara begiratzea debekatuta ez dagoen arren, baina beti ere irakurlearen edo margoa begiratzen ari den ikuslearen begietara so eginez.

Honelakoxea omen da, halaber, Euskal Herriko Mari, gure mitologian oraindik bizi-bizirik den izaki emea. Kristautasunak Ama Birjina Mariarekin nahastu nahi izan zuen arren (Venus bera ere kristautu zuen bezala), hor dago Mari oraindik ere, Boticelliren Venus ederraren modura, euskal lurretik sortzen eten gabe, Venus egunero oskol batetik sortzen den bezala. Mariren oskola, Aralarren eta Aitzgorriren artean kokatzen du Terek, baina, hainbat eta hainbat lekutan entzuten da bere izena, Santa Maria aipatzen den leku anitzetan, Mari ulertu behar baitugu halakoetan: Santa Maria de Arrako baino anitzez hobekiago, Arrakoko Mari.

Boticelliren margolan honetan, hortxe dugu Venus, gure jainkosa Mari, guri begira, alboetan dituen guztiak kontuan hartuz, bai, baina haien lausengoak eta beldurrak haintzat hartu gabe. Hor dugu biluzik gure aurrean. Haren lainotasuna erakusten, guregandik erantzun bat eskatzen ariko balitzaigu bezala.

Mariren ezaugarri nagusiei buruz mintzatu zen Tere, eta ezaugarri horietatik bi azpimarratu zuen guretzat guztiz garrantzi handikoak direnak, euskaldun bezala, idazle bezala, tradizioaren trasmisore bezala, eta etorkizunaren eraikitzaile bezala:

1.- Mariri hiketan hitz egin behar diogu. Zuzenean. Lagun bezala. Bitartekaririk gabe. Tolesik, azpildurarik eta itxurakeriarik gabe. Berak ere halaxe hitz egiten baitu. Hiketan. Hitanoa erabiltzen. Hi bere hizketan kontuan hartuz, eten gabe, aditz bakoitzean, hitz bakoitzean, hats bakoitzean. Idazle bahaiz, hik ere hala behar dun ala behar duk izan. Euskaraz mintzatzean hitanoa emakumeak eta gizonak garela behin eta berriz ari zaigu gogoratzen. Gure gizatasuna ari zaigu behin eta berriz begien aurrean jartzen. Hauskorrak gara, hilkorrak, baina bizi garelarik, gizakiak, emakumeak, gizonak, bestea, irakurlea, lagun hurkoa, gure nortasun zati egiten ditugu, eta gure eguneroko jardunean present ditugu.

2.- Ezkerreko eskua erabili behar dugu, Marik egiten duen bezala. Eskuinetik ezkerrera irakurtzen, ikusten eta idazten irakatsi digute eta orain hori dena ahaztu behar dugu eta alderantziz egiten ikasi behar dugu. Ezkerreko eskuarekin ikasi dugun guztia aldendu eta baztertu behar dugu berriro ere garbi-garbiak hasi ahal izateko.

Tere Karmeleren lagun min-mina zen. Terek irakatsi zigun bezala, Karmelek erregela hauek ongi betetzen bazekien. Beti aurrera begiratzen zuen, hiketan hitz egiten zion bizitzari eta ezkerreko eskua erabiltzen bazekien funtsezkoa ez zena kentzeko eta garrantzitsuarekin gelditzeko. Karmeleren poesian, Boticelliren margolanean bezala hiru zati ikusten ditugu maiz. Alboetan dagoena, azalpenak dira, garrantzi handikoak dira hor aurkitzen ditugun giltzak, baina erdian dugu Venus, erdian dugu Mari, Karmele bera guri begira, guri galderak etengabeki egiten, eta alboetara begiratzen eta galderak erantzutetik ihes egiten utzi gabe.

http://www.idazten.com/

Ander Iturriotz EIEko lehendakariak Euskal Idazleen Elkartearen agurra ekarri zuen Burlatara

2010-09-27T15:51:00.005+02:00

Ander Iturriotz, Euskal Idazleen Elkarteko lehendakaria

Ander Iturriotz, Euskal Idazleen Elkarteko lehendakaria, Burlatako Poesiaren Bestan, Nafarroako II. Poesia Biltzarrean, izan zen. Betidanik EIEk babesa eman dio Biltzarrari baina hau izan da EIEko lehendakari bat biltzarrera hurbildu den lehenengo aldia. Aspaldikuko jendea poz-pozik zegoen Ander Iturriotzen bisitarekin, EIEko sostengua berresten baitzen honela, (urtero bezala, egia esan, baina oraingoan, argiago eta garbiago, ozenago eta gorago.) Bestalde, Euskal Idazleen Elkarteko zuzendaritza taldeko beste hiru kide izan ziren gurekin: Juan Mari Apaolaza, Carmen Valois eta Josu Jimenez Maia. Horiei guztiei gure esker ona.

Ander Iturriotz bere sarrera hitzaldian Homero aipatu zuen. Homero ez omen zela existitu esan zigun eta gutariko askok ez genekien hori, baina banako bezala izan ez zen arren, talde bezala orduan, berak biltzen zuen Grezia klasikoko jakituria guztia. Erran nahi baita, banakoen lana garrantzi handikoa dela, baina kultura, euskal kultura gure kasuan, denon artean egin behar dugu. Guk denok osatzen dugun existitzen ez den, baina egunero elikatzen dugun, gure euskal Homero partikularra.

Ander Iturriotzen hitzetan, gazteek badute anitz emateko, bai euskal kulturan, bai euskal literaturaren arloan ere. Gazteak izan arren badute, izan, izugarrizko eskarmentua gure gaurko gizarte "cyborg" honetan bizitzeko, eta haien ekarpena behar-beharrezkoa dugu aurrera jarraitzeko.

Benetan interesgarriak eta gogoan hartzekoak Ander Iturriotzen hitzak. Mila esker.

Tere Irastortza eta Manuel Vilas Diario de Noticias egunkarian eta blogetan

2010-09-26T14:47:00.008+02:00

Manuel Vilas eta Tere Irastortza Diario de Noticias egunkariko argazki batean

http://www.noticiasdenavarra.com/2010/09/26

Atzoko eguna poesiaren hegaletan iragan zen ohi bezala, aurten Joxemiel Bidador eta enara bat (Karmele Igartua) gogoan izanik. Eguna benetan ederra izan zen goizeko eta arratsaldeko saioetan.

Blogosferan ondoko artikulu maitagarri hau aurkitu dugu... "esnametsetan" gunean... atzoko biltzarrean parte hartu zuen musikari baten eskutik...

http://esnametsetan.wordpress.com/

Bestalde Bergarako Idazle Eskolako web orrian ere gure biltzarraren berri eman dute, Tere Irastortza, gure olerkari gonbidatua, hango irakasle eta eragilea delako...

http://www.idazten.com/

Joxemiel Bidador olerkariari omenaldia

2010-09-26T13:14:00.008+02:00

Joxemiel BIDADOR idazle, ikerle eta olerkariaren hitzaldia Agoitzen, 2007ko Nafarroako II. Poesia Biltzarrean

Atzoko ekitaldian Joxemiel Bidadorri omenaldia egin zitzaion, Bergarako Idazle Eskolako eta Aspaldikuko lagun Karmele Igartuarekin batera. Omenaldian Joxemielen senideak eta lagunak izan ziren. Tamalez, antolatzaileok ez ginen batere fin ibili eta barkaezinezko oker bat egin genuen... Idoia (Joxemielen alarguna), Jose Angel Irigarai (Larrekoren biloba, Aingeru Etxegarairen seme eta Joxemielen lagun mina) eta gainerako lagunak etorri ahal izan ziren prentsaren bitartez izan zutelako omenaldi honen berri. Benetan, lotsa nabaritu zitzaigun gure aurpegietan. Mila aldiz barka eskatu behar izan genien alargunari eta, orobat, bertaratu ziren Joxemielen adiskide guztiei, Jose Angeli bereziki, behar den bezala gonbidapena helarazi ez baikenien.

Aurtengo biltzarreko asmoa zen erdal poetei ezagutzera ematea nortzuk ziren Joxemiel eta Karmele, baina, gero antolaketa (desantolaketa) arazoak direla medio, eta bata dela, eta bestea dela, finean inork ere ez zien Idoiari edota Jose Angeli deitu. Lotsagarria benetan. Eta lerro hauetatik egindako hutsa aitortu nahi dugu, biltzarrean gauza onak egon ziren bezala, gaizki egindakoak batzuk ere izan zirelako eta zentzuzkoa da hauek ere gogora ekartzea berriro ere errepikatuak izan ez daitezen.

Bestalde, goiko bideoan Joxemiel Bidador mirestuaren hitzaldia entzun daiteke oso-osorik, argazkia bera ere Agoizko biltzarrean hartua dago. Euskal Idazleen Elkarteaz aritu zitzaigun. Jakina, gure biltzarretan ohi dugun bezala, goizeko hitzaldiak erdaraz egiten ditugu erdal poetek eta erdal entzuleek euskaldunok egiten ari garen lanaren berri izan dezaten. Hori dela eta, hitzaldia erdaraz dago, euskaraz egindako sarrera txiki batekin.

Izan untsa eta adi entzun Joxemielek esan behar dizuna... beti izanen baita gure bihotzetan.

Tere Irastortza eta Manuel Vilas Aspaldikuko Poesia Biltzarrean

2010-09-22T01:15:00.004+02:00

Tere Irastortza Diario de Noticias egunkariak argitaratutako argazki batean (argazkia D.N.)

NAFARROAKO V. POESIA BILTZARRA Nafarroako Prentsan

Diario de Noticias:

http://www.noticiasdenavarra.com/

Diario de Navarra:

http://www.diariodenavarra.es/

Leire Zubeldiak idatzitako kronika Karmele Igartua Bihotzean

2010-09-21T15:05:00.011+02:00

"Maite ditugun olerkariak" sailaren barnean,

"Idazle eskola"ko partalierekin

iragan egun hunkigarri baten kronika,

Leire Zubeldiak idatzia, hona hemen

SENPERE, 2010eko irailak 18

Egun eder bat, oraingoan ere Karmeleren kontura

Irungo merkatalgunean elkartu ginen goizeko 09:00etan, Tere, Itziar, Ainara, Euri, Axun, Iban, Ione, Igotz, Garazi, Ekaitz, Montse eta Leire. Hizketaldi labur baten ondoren, Idazle Eskolako karabanak Senpererako bidea hartu zuen. Ez genuen berandu iritsi nahi Hatsako gure lagunekin eta Karmele gure adiskidearekin genuen hitzordura. Baina Biriatun lagun batzuekin egin genuen topo, beltzez jantzita egoten diren horiekin. Ainara eta Itziar pasa; Tere eta Leire pasa; baita Axun eta Iban, zein Garazi Ekaitz eta Montse zihoazen autoa ere. Ione eta Igotzena bai harria!

Atzerapen txiki batekin, baina ongi iritsi ginen denok Senpereko Larraldea etxera. Bertan zeuden Auxtin Zamora eta Aspaldikuko Juankar; eta haiekin Carmen. Azken honek nahiago izan zuen gurekin denbora galtzea baino zuzenean Larraldeara joan eta kafetxo bat hartuz itxarotea. Carmenek bai jakin! Senpereko etxetzar ederrera azaldu ziren baita ere Uxoa eta Iker. Auxtinek eskainitako kafe goxoa hartu ondoren, autoetan sartu eta Zugarramurdirantz abiatu ginen. Bidean paraje ederrak, eta txakurrak autoetako gurpilak hozkatzen, eta larre behiak enbarazuan, adar handi-handiekin. Eskerrak Axun eta Iban autoetatik atera eta bidea temati oztopatzen zuten animaliatxo adardunak bazterreratu zituzten.

Horrela, Zugarramurdi eta Etxalar artean geratzen den Ibainetako lepora iritsi ginen, gure ibilaldiaren abiapuntura. Batzuk mendirako maia aproposekin, beste batzuk bakeroekin, baten-baten gona jantzita eta xandaliak zeramatzanik ere bazen. Montse, Karmeleren ama esaterako: hartu bastoia, jantzi xandalien azpitik galtzerdiak eta benga! Maldan gora gehien errepikatu zen esaldia: "sinatuko nuke nik 79 urterekin horrelako sasoia izateko". Ibilaldi atsegina izan zen: hankentzat xamurra eta begientzat zoragarria. Oztopo zenbait gainditu behar izan genituen ordea: lokaztutako putzuak, eta batez ere, alanbre-sare edo langak. Baina dotore igaro genituen denak, jantzietan urratu txikienik egin gabe.

Azkenean iritsi ginen Ibanetako Trikuharrira. Bertan egin genion omenaldi xumea Karmeleri. Trikuharria inguratu eta norbere etxetik ekarritako harriak utzi genituen megalitoaren barruan. Auxtinek Karmeleren irudiarekin eta poesia batekin osatutako koadro zoragarria atera zuen sobre batetik. Harriekin batera, trikuharriaren barrenean jarri zuen. Itsasoko maskor bat ere utzi genuen, Karmeleren izenarekin. Ondoren, Itziarrek hitz batzuk irakurri zituen: "zeure zeuretako Karmele". Xalbadorren heriotza kantua abestu genuen gero, baina "Urepeleko artzaia" esan beharrean "Aretxabaletako enara" kantatuz. Kantua amaitu ondoren, Axunek botatako irrintziak urratu zuen Ibanetako isiltasuna. Zugarramurdiko sorginak esnatzeko modukoa izan zen. Txalo egin genuen denok, hunkiturik. Esku emanda giza-harrespila bat osatu genuen, gogoa Karmelerengan genuela. Isiltasuna. Pare bat argazki, eta martxa berriro. Gustura, oso gustura, pentsatuz, Karmeleri gustatuko zitzaiola. Ah! Eta atzera bidean abiatu aurretik, indarrak berreskuratzeko Itziarrek egindako erroskila goxo-goxo batzuk jan genituen. Superwoman!

Autoetara iritsi eta batzuk etxe aldera joan ziren, Garazi, Ekaitz eta Montse hain zuzen; gainontzekoak Larraldeara itzuli ginen. Eta han… sekulako bazkaria: xiixa-hori omeleta, indioilar bularkia barazki goxo-goxo batzuekin, eta gazta, eta sagar tarta, eta pikuak, eta aranak, eta kafea, eta patxarana eta giro ona! Ederki bazkaldu genuen, bai jauna!

Sabela majo beteta, lau terdietan ekin genion errezitaldiari. Itziarrek ohi bezela txukun-txukun antolatua zuen dena: Auxtinek hitz egin zuen lehendabizi, ondoren Terek Idazle Eskola aurkeztuz, gero Itziar eta Ainarak Karmeleri buruzkoak aipatu zituzten, eta jarraian Karmeleren testuak irakurri genituen txandaka-txandaka. Hiru ordu eta laurdeneko emanaldia izan zen. Hunkigarria, baina polita. Amaieran Auxtinek bere esker ona azaldu eta oparitxo bana eman zigun: fosil bat bakoitzari. Ez hori bakarrik: etxerako bidea hartu aurretik kafea, garagardoa, fruta, muztioa, freskagarriak eta opil goxo batzuk jarri zizkigun aukeran. Talde argazkia atera eta martxa! Ah! Alde egin aurretik hurrengo hitzordua gogorarazi zuen Terek: irailak 25ean, Iruñean Aspaldikuk antolatutako Nafarroako Poesiaren Biltzarra. Ahal duenak edo nahi duenak badaki…

Leire Zubeldia

Nafarroako V. Poesia Biltzarra Burlatan

2010-09-20T17:37:00.001+02:00

Burlatako biltzarreko egitaraua

2010-09-18T21:23:00.000+02:00

EGITARAUA:

10:00 Aurkezpena - Argibideak
Aspaldiku, Nafar kulturaren hedapenerako elkartea.

10:30 Olerkari gonbidatuak
Tere Irastorza
Manuel Vilas

10:00 Tailerrak
I Gazteleraz: Sormen tailerra (zehazteke)
Zuzendaria: Manuel Vilas
II Euskaraz: Sorkuntza literarioa auzolanean
Zuzendaria: Tere Irastorza
Tailerraren bukaeran, Karmele Igartuari eta Joxemiel Bidadorri omenaldia.

14:00 Bazkaria
Udal Jauregian bazkaria

16:30 Olerki errezitaldia
Olerkari gonbidatuak hasiko dira: Tere Irastorza eta Manuel Vilas.
Ondoren, parte-hartzaileek, nahi izatekotan, haien olerkiak errezitatu ahalko dituzte.

19:45 Ondorioak, Nafarroako V. Poesia Biltzarraren amaiera eta hurrengo biltzarrerako gonbidapena Aspaldikuren eskutik.

Datorren larunbatean, Burlatako hondartzan

2010-09-18T13:07:00.006+02:00

Kirmen Uriberi irakurria diot. Koldo Izagirrek dioenez, itsas-portu batean sortua den orok olerkari izateko bide erdia eginda du. Horren haritik, Kirmen Uribek ondorioztatzen zuen lanari ekiteko, poesia idazteko, itsasoa eta fantasia baizik ez dira behar. Baina Nafarroan, itsasorik ezean, olerkari izatea, berez, zailagoa behar da izan. Itsaso falta ez da, gainera, Nafarroan olerkigintzaren zabalkundea eragozten duen baldintza bakarra.

ASPALDIKU-ren azpian gordetzen da: “Asociación para la difusión de la cultura”, poeta euskaldunak eta erdaldunak biltzen dituen elkarte xume bat, baina, bere xumean, urtero-urtero Nafar Poesiaren Biltzarra antolatzen duena eta, aldian behin, baita poesia errezitaldiak eta liburu aurkezpenak ere. Oso diru-laguntza urrirekin, urtez urte antolatu den Nafar Poesiaren biltzarretan izan dira, besteak beste, Jesús Munárriz eta Auxtin Zamora, Lucien Etxezaharreta eta Maram al-Masri, Angel Erro eta Jose Luis Alvarez, Miren Agur Meabe eta Ana Rosetti.

Heldu den larunbatean, hilaren 25ean, Burlatako kultur etxean dugu hitzordua Nafar Poesiaren aurtengo biltzarra ospatzeko, eta bertan Tere Irastorza izanen dugu euskal olerkari gonbidatua eta Manuel Vilas erdal olerkari gonbidatua. Goizean, hasierako hitzaldiak eta gero, bi tailer ere eginen dira: euskarazkoa, “Sorkuntza literarioa auzolanean”, Tere Irastorzaren beraren eskutik. Zinez interesgarria. Bazkari legea egin eta gero, arratsaldeko 4,30etatik aitzina, errezitaldia izanen da Burlatako Udal Jauregian eta zabalik egonen da parte hartu nahi duen poeta ororentzat. Aurtengoan, jadanik gurekin tamalez ez dauden bi lagun, Joxemiel Bidador eta Karmele Igartua, izanen ditugu bereziki gogoan.

Kirmen Uriberekin hasi eta Kirmen Uribererekin bukatu nahi dut idazki hau. Idazle ondarrutarrak biltzen du Portukoplak izeneko liburuan Eugenio Andrade poeta portugaldarraren aipu bat Oinatzak hondarrean epigrafe pean: “Poesiak maite du udako hondartzetatik paseatzea”. Nafarroako ur prosaiko beltzetan, urtean behin gutxienez biltzen gara Nafar Poesiaren Biltzarra izeneko hondartzan. Datorren larunbatean, Burlatako hondartzan izanen gara.

Euskal Idazleen Elkarteak biltzarraren berri eman du bere web orrian

2010-09-17T14:55:00.011+02:00

ASPALDIKUren kongresuaren berri EUSKAL IDAZLEEN ELKARTEAren web orrian

http://www.idazleak.org/

Nafarroako V. Poesia Biltzarra Burlatan

Nafarroako V. Poesia Biltzarra egingo da irailaren 25ean, larunbatarekin, Burlatako kultur etxean, Aspaldikuk antolatuta. Goizeko aktibitateak Burlatako Kultur Etxean egingo dira eta gainontzekoak Udal Jauregian.

Kasu !!

Errepikatzen dugu...

Goizeko ekitaldiak: Burlatako Kultur Etxean

Arratsaldeko ekitaldiak: Burlatako Udal Jauregian

HATSA Elkarteak Senperera deitzen du Irailaren 18rako Karmele Igartua olerkaria bihotzean

2010-09-07T13:23:00.003+02:00

Karmele eta Idazle Eskolako lagunak 2008ko Lizarrako Poesia Biltzarrean Auxtinek eginiko argazki batean.

Karmele Igartua , bihotzean !

“Idazle eskola“ eta “Hatsa elkartea“

Irailaren 18an Senperen

Adixkide Olerkaria:

Irailaren 18ko eguna “Idazle eskola“koekin iragaitea proposatzen dizugu.

Kasik denek, dakigu, nola, Elkarte honek, 2003a geroztik, literario arloan, bide aberats eta emankor bat deraman.

Bere altzotik, agertu dira:

Eskola bat, idazten ikasteko “Ilunabar literarioak“ deitu sail bat, herriz herri irakurketak egiteko “Idazten“ deitu Web gune oparo bat, “Luma berrien eleak“ deituvidazle berrien testu-aldizkari bat, eta hainbat hitzaldi eta agerraldi Euskal Herrian zehar.

Agorrilaren 20a geroztik “Idazle Eskola“ dolutan sartu da, Karmele Igartua, bere sortzaleetarik bat, mundu honetarik desagertu delarik.

Azken bi urte hautan bi olerki liburu publikatuak zituen: “Hitzak orbainetan“ eta “Denbora enaren hegaletan“.

Hirugarren bat ere “Itsaso kontra bat“ argitaratzeko prest zaukan.

Karmeleren zonbait olerki, Hatsaren Poesia bilduman aurki ditzazkegu ere.

Irailaren 18ko eguna iraganen dugu beraz Karmeleri pentsatuz.

Goizean, omenaldi bat eginen diogu, Ibaineta deitu Zugarramurdi gainean den, Mairu baratze miresgarrian, eta, arratsaldean bere olerkiak irakurriko.

Iraila 18ko egunaren egitaraua :

10h Hitzordua Senpere Larraldean

11h Zugarramurdiko “Urbia“ lepotik “Ibainetako“ Mairu baratzera, oinezko ibilaldia

11h “Ibaineta“n, Karmel Igartuari omenaldi bat

13h Bazkaria, Larraldean (Izenen emaitea, Irailaren 10eko, behar beharrezkoa dugu)

16h30 “Idazle eskola“koen ekitaldi poetikoa (Karmele Igartua bihotzean!)

Hatsa elkartearentzat,

Auxtin

Argibide gehiagorentzat idatzi gure interneteko helbidera: hatsaelkartea@aol.com

Karmele Igartua, Bihotzean !!

2010-09-07T13:21:00.002+02:00

KARMELEK ASPALDIKURI BIDALITAKO MEZU BATZUK

1.-

Date: Mon, 15 Mar 2010 15:21:59
Subject: MARTXOAREN 27an MAHAI INGURU BATETARA GONBIDATU NAHI
From: KARMELE IGARTUA

Kaixo Juankar:

Bergarako IDAZLE ESKOLATIK natorkizu, KARMELE IGARTUA nauzu eta proposamen bat dakart martxoaren 27rako ASPALDIKURENTZAT.

Hilean behin IDAZLE ESKOLAko gradu-ondokoak tarte bat hartzen du idazle baten lan bati buruzko solasaldi batetarako. Hori dela eta, 9etatik 11etara beste bi orduko saio bat antolatzen dugu.

Aurten pentsatu dugu ederra litzatekeela hiru edo lau kultur-elkarte batzea, eta literaturaren inguruan egiten dutenaren berri ematea. Gustatuko litzaiguke Erkidegoko elkarteez gain Nafarroa eta Iparraldekoak ere gurekin izatea.

Helburua da bakoitzak 10en bat minutuan egiten duenaren berri ematea zuen funtzionamendua, ekintzak... Eta gero, elkarrekin egin daitezkeen gauzez hausnartzea.

Estimatuko nizuke mezu hau jaso duzula adieraztea eta nola ikusten duzun etorri ahal izatea.

Mila esker. Ondo izan.

Karmele Igartua (koordinatze lanetan)

2.-

Subject: MARTXOAREN 27an MAHAI INGURU BATETARA GONBIDATU NAHI
From: "karmele"
Date: Wed, 17 Mar 2010 13:10:04

Ze ondo Juankar,

Ondo egongo da, sei taldeetakoak behintzat bertan izango gara eta elkarren berri eta elkarrekin egin dezakegun ekintza puntualez ere ihardungo dugu. Eskertuko dizuegu etortzeko ahalegin hori.

Martxoaren 27an goizeko 9etan Bergarako Plazan dagoen UNEDen.
Bitartean izan ondo eta besarkada bat.

Karmele.

3.-

Date: Thu, 18 Mar 2010 12:24:21
Subject: MARTXOAREN 27an IDAZLE ESKOLAn
From: KARMELE IGARTUA

Kontuak honela izango dira Martxoaren 27an.

Bergarako IDAZLE ESKOLAz gain beste bost elkarteko kideak etorriko dira : MIKELAZULO, HATSA, ASPALDIKU, EAko antolatzaileak eta EIE.

Kide bakoitzari eskatuko genioke bere lan egiteko moduaren aurkezpena egitea :

Zer egiten duten, non eta nola biltzen diren, elkarte horretan nola bazkidetu edo nola parte har daitekeen... Alde horretatik, talde gehienek bere webgunea edo bloga ere badutenez, nahi badute aurkez dezakete. Baina bakoitzak 10 minutu ditu, gehienez, horretarako. Ondoren sortuko litzateke elkarrizketa, eta , proposatzen dugun gaia da Zer(bait) egin genezake batera ? (ekintza puntualak edo bestelakoak ).

Solasaldi hau 9etatik 11etara bitarte izango da. Gero, 12etatik 13:30etara bitartean, Jon Arretxeren iharduna dugu Fatum liburua eta LEKUAK gaia ardatz.

Interesgarria izango da literaturan leku berrietan mugitzeko aukerak ezagutu eta parte hartzeko aukerak gertutik ezautzea.

laster arte ba.

Karmele.

4.-

Date: Wed, 31 Mar 2010 12:14:37
Subject: martxoaren 27ko literatur elkarteekin egindako solasaldiaren akta
From: KARMELE IGARTUA

Kaixo Idazle Eskolatik aurreko larunbatean gurekin izan zineten lagunak.

Erantsita bidaltzen dizuet solasaldian esandakoen laburpen antzeko bat. Horrekin batera hemendik aurrera aurreikusten ditugun ekintzak edo jaso nahi izan ditugu baina uste dugu hori osatzea komeni dela. Zuek erantsi beharrezkoa ikusten duzuen informazioa, gero gure ikasleei bidaltzeko.

Helbide edo kontaktuak ere, ez dakit zuzenak diren eta batzuk ez dauzkagu ondo jasota (Iker, Juan Mari,...) hor jarri ditugunak eta mesedez zehatz itzazue ezkerreko laukietan. Komunikazio eraginkorra lortzeko ezinbesteko datuak dira.

Aktan zerbait aldatu beharrekoa edo zehaztu beharrekoa ikusten baduzue ere esan, mesedez.

Zuen erantzunaren zai geratzen gara, taula osatu eta jendeari bidaltzeko.

Ondo pasatu oporrok be.

Karmele.

2010- 03-27

KULTUR ELKARTE EZBERDINEN AURKEZPENAK BERGARAKO IDAZLE ESKOLAN

PARTE HARTZAILEAK:

ASPALDIKU: Juankar Mugertzan eta Iosu Jimenez, HATSA ELKARTEA: Auxtin Zamora, MIKELAZULO: Iker Fernandez, HEA (herriari emon arnasa): Asun Landa, EUSKAL HERRIKO IDAZLEEN ELKARTEA: Juan Mari Apaolaza, IDAZLE ESKOLA: Karmele Igartua.

Talde bakoitzaren ordezkariak euren zereginaz hitz egin du hamabost bat minutuz., Beraien helburu, dinamika eta ekintzei buruz hitz egin dute. Labur labur talde bakoitzaren ekintza nagusi bat aurkeztu dute:

1.- ASPALDIKU-k Nafarroako Poesia egunak.

2.- HATSA Elkarteak, urteroko argitalpena eta “ Maite ditugun poetak “ ekimena

3.- MIKELAZULOk, BAT BADA, artista-liburuaren egitasmoa

4.- HEA-k, Uztaileko Ea-ko poesia egunen antolaketa

5.- IDAZLE ELKARTEAk, bere egitura, bazkidetza-sistema eta lan-lerroak

6.- IDAZLE ESKOLAk, ikasle artean sortutako dinamikak ( mintegiak, aldizkaria, ilunabar literarioak eta webgunea )

lintzei buruz hitz egin dute.

Ondorengo elkarrizketan adostu zen komenigarria dela elkarren berri izatea, edozein gauza antolatzean besteei ere talde bakoitzak besteei horren berri ematea eta elkarren arteko komunikazioa eta ahal den neurrian lankidetza sustatzea. Baita gaurko bilkura honetara etorri ez diren arren, dauden beste talde batzuekin ere harremana jorratzea. Gainera, horretan EIE-k joka dezakeen papera garrantzizkoa jotzen zen: bai burutzen diren egitasmoen berri zabaltzeko Orduña eta baita bere babesa agertzeko Orduña ere.

Bigarrenik, erabaki zen akta txiki bat egitea eta bertan parte hartu dugun elkarteekin harremanetan jartzeko modua adieraztea eta baita urtean zehar egiten diren ekintzak ere adieraztea.

HARREMAN-BIDEAK	NEGUA	UDABERRIA	UDA	UDAZKENA
ASPALDIKU http://aspaldiku.blogspot.com/ Juan Karlos Mugertza		Apirilaren 23an Hatsa poesiaren aurkezpena Berriozarren	Nafar Poesiaren Astea
HATSA Auxtin Zamora hatsaelkartea@aol.com		APirilaren 11. Liburu-Aurkezpena Senperen. Bazkarirako izena aurrez ematea komeni da.
MIKELAZULO http://www.mikelazulo.com Iker Fernandez.		Poesia astea
HEA www.poesiaegunak.net Axun Landa			Ea-ko uztaileko poesia egunak
IDAZLE ELKARTEA www.idazleak.org Juan Mari Apaolaza
IDAZLE ESKOLA www.idazten.com Karmele Igartua		Apirilaren 16an Ilunabar Literarioa Adunan.	Zumarragan Ilunabar Literarioa eta 2010eko Luma Berrien Eleak aldizkariaren aurkezpena

5.-

Date: Fri, 14 May 2010 07:37:16 +0200
Subject: NAFARROAKO POESIA EGUNAK??
From: KARMELE IGARTUA

kaixo Juankar.
Komeni zaigu jakitea noiz izango diren aurten eta non NAFARROAKO POESIA EGUNAK.
Erantzun lehen bait lehen mesedez. Ea joaterik dugun...

besarkada bat.

karmele.

HATSA Elkarteak Senperera deitzen du Karmele Igartuaren omenez

2010-09-07T11:49:00.017+02:00

Karmele Igartua 2008ko Lizarrako Poesia Biltzarrean Auxtinek eginiko argazki batean.

Karmele Igartua , bihotzean !

“Idazle eskola“ eta “Hatsa elkartea“

Irailaren 18an Senperen

Argibide gehiagorentzat idatzi gure interneteko helbidera: hatsaelkartea@aol.com

MAIATZ aldizkariak gomendaturiko gertakariak

2010-09-03T16:19:00.015+02:00

- Buruilaren 19an, igandez, izanen da Baionan, Sainte Catherine karrikan, egun guzian liburu feria bat.

- Urriaren erditsuan, arrats bat, mahain inguru bat, Buruxkak Jean Etchepare-ren liburuaren mendeurrena ospatzeko prestatzen ari gara. Eguna ez da oraindik finkatua.

- Urriaren 17an, igandea, Festival Baiona.

- Urriaren 26an, Bilboko Idatz eta Mintz aldizkariak bere 50. zenbakia plazaratuko du.

- Urri hontan ere agertuko da Erlea 3, Atxagak zuzentzen duen Euskaltzaindiarebn literatur aldizkaria. Iparraldea gaitzat duela eta hemengo idazle batzu partaide dira.

- Paueko liburu saloina, azaroaren 26-27-28an iraganen da.

- Bada ere Durangoko 48. Azoka, abenduaren 4-5-6-7-8an.

- Kanbon abendoaren 11an liburu Feria bat eginen da.

LIBURU BERRI

- Uztailaren 1ean, Baionan, Victor Hugo ostatuan, aurkeztu dugu Kide, Jean Bordatoren liburua.

- Aingeruarekin solasean, Gitta Mallasz en liburua, gogoeta mistiko bat, Gabriel Oyharzabal ek itzulia euskarara urriaren 30ean, goizeko 10etan Euskal Museoan Baionan aurkeztuko dugu, Suitzako argitaletxe baten ordezkariekin.

- Eñaut Etxamendiren Idazlanak 4 bidean dugu. Azaroko behar litaike argitaratu.

- Amaia Lasa ren olerki liburu bat azaroko ere argitaratzekotan gara.

- Aspaldian bidean dugun Escrivans-Idazleak, lan elebiduna okzitano-euskarazkoa argitaratuko da Paueko liburu azokarako (azaro bukaeran), Per Noste Orteseko elkaretearekin.

- Maiatz 51 aldizkaria bidean da ere, hau ere azaroan argitaratzekotan gara.

IRAGAN GERTAKARIAK

- Agorrilaren 7 eta 8an iragan zen Biarritzeko Casinoan Liburu Saloina.

- Pauen Festiv’Oc dela eta, mugaz bi aldeetako idazle topaketa eta solasaldiak antolatu ziren agorrilaren 18 eta 19an.

Maiatz

Karmele joan zaigu

2010-08-31T11:11:00.012+02:00

Berriak ustegabean harrapatu gaitu...

Karmelerekin izan garen guztietan emakume alai, maitagarri, eragile eta langile baten aurrean geundela sentitu dugu, proiektuz eta indarrez betea. Joan dela jakitean tristuraz betetzen zaigu bihotza.

Eta hona, Itziar Gomezek zabaldutako mezuaren zati bat:

"Karmele joan zaigu hegan bere denboraren enarekin. Lasai joan da antza... eta bilduko zen nonbait bere Rayrekin. badugu izar berria zeruan, nahiz eta nahiago nuen bere presentzia hazur haragizkoa..."

Jaso muxu zaparrada!

Karmele Igartua joan zaigu

2010-08-22T11:39:00.007+02:00

Karmele Igartua olerkaria hil da iragan den ortziralean, sorterrian, Aretxabaletan. Duela hiru urte Euskaltzaindiak saritutako Hitzak orbainetan poema-liburutik haren poema bat, biziki laket zaidana, berreskuratu nahi dut une garratz honetan, Gutuna izenekoa .

Paper zati zimurra
lurrean zapaldua;
bihotz, heriotz,
pasiozko orbain
urratua,
tinta beltzetan
ezkutatua.
Agur, maite-maitea

Olerkari bat hiltzen denean, Hitzak orbainetan eta malkoak hitzetan. Heriotz-ohar honek balio beza haren senide eta lagunei gure dolumina helarazteko.

MAIATZ aldizkariaren 50. alea karrikan da * Labayru ikastegiko webgunean den informazioa

2010-06-07T23:03:00.010+02:00

http://www.labayru.org

Mailuix Legorburu, Luixa Gilzu, Joseba Aurkenerena, Eric Dicharry, Auxtin Zamora, Carmen Valois, Juankar Mugartza, Marrikita Tambourin, Mixel Thikoipe, Txomin Peillen, Agosti Xaho, Itxaro Borda, Bernard Calavel eta Lucien Etxezaharreta.

Tere Irastortza, Aurtengo olerkari gonbidatua

2010-06-07T22:48:00.005+02:00

ASPALDIKU elkarteak aurtengo irailean egin behar duen Nafarroako Poesiaren Bestan edo biltzarrean TERE IRASTORTZA olerkari gonbidatua izanen dugu. Bere ibilbide poetikoaz aritzeaz gainera, berak zuzenduko duen tailerrean BERGARAKO IDAZLE ESKOLAren esperientziaz mintzatuko da. Zer egin genezake hura bezalako eskolez betetzeko Euskal Herria?

Aurtengo leloa... "Poesiarik gabe bizi al daiteke?"

Ezetz? Nola ezetz?

Eta lelo hori... bai! Lelo... Leloa zara... Ai, leloa!!

Galarraga HATSAren "Maite ditugun olerkariak" sailean

2010-06-07T22:19:00.018+02:00

Adixkide Olerkaria,

"Maite ditugun olerkariak" sailaren barnean
proposatzen dugun ekimen poetiko baten gomita,
hona hemen
Izan ontsa !

Auxtin

Juan Manuel Galarraga-ren Tindu-oihalak
eta Mikel Ibarguren Olerkien erakusketa
Amotz-Larraldean
Ekaina 15-27, arratsaldetan :16h-21h

Ekaina honetan, belar loretsuetan, miztifikaturik, gure ametsak, haizearen uhainetan, dabiltzalarik, hona hemen, Juan Manuel Galarraga, Tindulariaren, 50 bat oihal, eta, Mikel Ibarguren, Olerkariaren, beste hainbeste poema, denak, poesiaren hautsez titakatuak ... !

Juan Manuel Galarraga (63 urte), sortzez Zaldibikoa, Senperen bizi. Ttiki ttikitik, pinturaz apazionatua izan den, eta, geroztik ere, den, artista dugu. Honeri, bizipideak ez badio sobera utzi denborarik, bere ‘hobby’aren garatzeko, orai, erretiro garaian, bere begi garden eta zorrotzek ez dute gehiago geratu nahi, hameika oihaletan, zerbait dohaintsu, gure zorionarentzat sortu gabe.

Mikel Ibarguren (43 urte) sortzez Zestoakoa, Ziburun bizi, 3 Olerki bildumen idazlea: «Hemen gauak lau ertz ditu», «Deserriko karrikak», «Ahapeka ». Mikel Ibarguren-en poesia, ezin geldiarazia da. Maitemindutasunak eta herbesteratzeak, zauri–ohatze bat eginik bere bihotzean, inoiz, ezin ditu bere sentimendu poetikoak ezkutatu. Horrela, Juan Manuelen margolan bakotxaren aintzinean idatzi olerkietan, bere inzpirazioa doblatzen ikusi ditaike, sakonetik dakielako, Juan Manuel ere, maitemindutasunaren eta herbestetasunaren umea dela.

A.Z

Erakusketaren estreinaldia eginen dugu :
Ekainaren 19an , arratsaldeko 6 ak eta erditan
Etorri ! Zerbaitxka, edan eta jan elgarrekin eginen dugu !

Erakusketari loturik, Hatsa elkarteak proposatzen du “Maite ditugun olerkariak”, bere sailari jarraikiz, Juan Manuel Galarraga eta Mikel Ibarguren-ekin egun bat iragaitea

Ekainaren 26an

- Goizean, Zugarramurdiko Mendibil kaskoan, oinezko ibiladia (abiapuntu-hitzordua Larraldean 9etan).
- Ordu batean bazkaria.
- Arratsaldeko 4etan Juan Manuel Galarraga eta Mikel Ibarguren-en ekitaldi poetikoa.

Bazkariarentzat, izenak eman behar dira Ekainaren 23rako deituz: 05 59 54 11 43 edo e-mezu bat bidaliz (e-posta: hatsaelkartea@aol.com).

ASPALDIKU Elkarteko aurtengo biltzarra irailean eginen da

2010-06-06T17:26:00.004+02:00

Aurten nahiko alfer ibili gara gure elkartean eta zezenak harrapatu gaitu biltzarra prestatuta izan gabe. Hau edozeini gertatzen ahal zaio eta familia hoberenetan ere gertatu izan ohi da. Dena den, ekainean bilduko ez bagara ere, LITERATURIAra joan zaitezkete, hitzordu ona baita (http://www.larrabetzu.org/literaturia/). Gurea, berriz, irailean eginen dugu. Baietz. Informazio gehiago helaraziko dizuegu blog honetan bertan ere. Zoriotsuak izan.

ASPALDIKU Elkarteko bi kide EIEko zuzendaritzan

2010-06-06T16:46:00.013+02:00

ASPALDIKU elkarteko bi kide Euskal Idazleen Elkartearen zuzendaritzako kide izendatu zituzten iragan Batzar Nagusian. Berria ez genuen denbora hartan ez zabaldu, ez ospatu, Joxemielen ustegabeko heriotzak gure bihotzak guztiz hunkitu eta izoztu, hormatu eta gelatu baitzituen, dena dela, eta dolua erabat gainditu ez den arren, bada garaia Carmen Valois eta Josu Jimenez Maia elkartekideei gure zoriona helarazteko.

EUSKAL IDAZLEEN ELKARTEAren lehendakari berria Ander Iturriotz da, ordiziarra, Fito Rodrigezen lekukoa hartzeko deitua izan dena. Carmenekin eta Josurekin batera, hauexek dira EIEko zuzendaritzan arituko direnak: Iñaki Friera eta Juan Mari Apaolaza.

ASPALDIKU elkartea sortu zen une beretik, gure elkartearen euskal arloak EUSKAL IDAZLEEN ELKARTEAren babesa bilatu zuen, HATSA Elkartearena erdietsi nahi izan zuen bezala, periferikoak garelako eta bertzeen laguntza behar dugulako. Joxemiel bera ere EIEko zuzendaritzako kide izan zen eta bera zuzendaritzan zelarik ASPALDIKUk bere bigarren biltzarra ospatu zuen Agoitzen; orduan, Joxemielek parte hartu zuen hitzaldi bat emanez eta tailerra zuzenduz, beti ere EIEren izenean, EIEk biltzarrari sostengu osoa eman baitzion bai orduko hartan, bai eta ondorengo biltzarretan ere (izan ere, aurtengo biltzarra irailean egingo dugu eta EIEren aldetik bere sostengua ziurtatuta dugula esan digute dagoeneko, berri fresko-freskoa beraz).

EIE (Euskal Idazleen Elkartea) 1982an sortu zen eta egun 350 kide baino gehiago ditu, horietatik %10 nafarrak izanik, eta ez da gutxi, eta ez da zenbaki makala. Andolin Eguzkitza zuzendari zelarik, EIEko zuzendaritzan gure elkarteko bat izan genuen. Orain, bi... Hurrengoan, nork daki, agian hiru, gero lau, bost... Gure bazkide aukeratuei eta haiekin batera arituko direnei... Bejondeiela...!! Zoriontsuak izan daitezela...!!

Txomin Peillen, Aurtengo "Manuel Lekuona" Saria

2010-06-06T16:33:00.006+02:00

Txomin Peillen idazle eta ikerlaria, Eusko Ikaskuntzaren 2009ko Manuel Lekuona Saria

http://www.euskosare.org/abangoardia/manuel_lekuona_saria_2009_txomin_peillen/?set_language=eu&cl=eu

MAIATZ aldizkariaren 50. alea * Itxaro Borda BERRIAn

2010-06-06T16:17:00.007+02:00

Maiatz solas

Itxaro Borda

Urte oroz Maiatz aldizkariaren solasaldietan parte hartzeko gonbita eskuratzen dugu. Aurten ere ez du hitzorduak hutsegin.

http://paperekoa.berria.info/iritzia/2010-05-12/004/003/maiatz_solas.htm

MAIATZ aldizkariaren 50. alea * Le Journal du Pays Basque

2010-06-06T16:10:00.003+02:00

Les "Solasaldi" de l'association Maiatz partagent les expériences dites "minoritaires"

http://www.lejpb.com/paperezkoa/20100511/198734/fr/Les-Solasaldi-lassociation-Maiatz-partagent-les-experiences-dites-minoritaires

Gerraren aurkako hitzak Gaztelu Plazan

2010-06-05T09:07:00.005+02:00

Iruñeko Gaztelu Plazan Gerraren aurkako hitzak hedatu genituen, haizea lekuko.

Duela beredatzi urte hasi zen ekimen hau Liburu Feriaren abaroan eta, aurten ere xumea baina arrakastatsua izan zen.

Besteak beste, Jesús Lizano poeta akrataren poema bat entzuteko aukera izan genuen:

Soldadu ezagunaren balada

Soldadu ezagunaren balada.
Soldadu ezaguna baita.
Oso ezaguna baitzen.
Ederki ezagutzen zuten
galdu zuten horiek.
Zer esan nahi dute
soldadu ezezagunaren
aldeko oroitarriek?
Oso ezaguna baitzen.
Soldadu guzti-guztiak
oso ezagunak ziren.
Suntsitu zenuten horiei:
ez ezazue lore gehiagorik bidali,
zuek-zeuk baitzenuten
soldadu bihurtu, ezezagun bihurtu.
Soldadu ezaguna izanik!

Jesús Lizanoren liburu eder batetik aterea da, El ingenioso libertario Lizanote de la Acracia, Virus argitaletxea, iaz argitaratua Bartzelonan, gaztelaniaz. Liburuak dakarren CDan Jesús Lizano bera errezitaldi batean ikusteko aukera duzu.

Poesia emanaldi bat gogoan

2010-05-30T08:40:00.000+02:00

Hatsaren Poesia 2010 Berriozarren

2010-04-26T14:32:00.000+02:00

Iragan ortziralean, apirilaren 23an, Hatsaren poesia Berriozarren saio arrakastatsua egin zen Liburuaren Nazioarteko Egunaren harira. Zorroka euskara elkarteko Pello Uhartek aurkezturik, errezitaldia egin zen Berriozarko liburutegian. Hatsaren Poesia 2010 argitaratu berri den liburuko poema batzuk gozatzeko aukera izan genuen.

Berrogeita hamar minutuko saio labur baina mamitsu horretan partaide izan ziren Josetxo Azkona, Jokin Irigoien, Fertxu Izquierdo, Josu Jimenez Maia, Naiara Sanchez, Mikel Taberna, Juankar Lopez-Mugartza, Carmen Valois eta Auxtin Zamora, Hatsa Elkarteko burua.

Azpimarratzekoa da, bestalde, Sanduzelaiko poeta gazte-gazte batzuek, Unai, Nora eta Maialenek, euren gelakideekin batera eginiko poemak irakurri zituztela.

Ezin ahaztu errezitaldi osoan Iranzu Baldo biolin jotzaileak eskainitako musika klasiko zoragarria. Euskal Idazleen Elkarteko Joanmari Apaolaza ere bertan izan zen, hala nola Berriozarko auzapeza den Xabi Lasa, saioari amaiera emateko parte-hartze ezin aproposagoa izan zuena.

HATSAren poesia Berriozarren

2010-04-15T20:54:00.000+02:00

Liburuaren Nazioarteko egunaren ospatzeko, Hatsaren Poesia 2010 olerki bilduma aurkeztuko da Berriozarko liburutegian eta Hatsa elkarteko burua den Auxtin Zamora bertan izanen da.

Egun horretan, halaber, olerki bilduman parte hartu duten olerkariek parte har dezakete. Senperera hurbiltzerik ez zutenek, beraz, aparteko aukera dute, errezitaldian olerkiak eta biolinez jotako pieza klasikoak uztartuko baititugu.

Hori guztia Berriozarko liburutegian, (Etxaburua kalea), apirilaren 23an, ostiralarekin, 19:00etatik aitzinera.