HATSAREN POESIAREN GUTUNA

Olerkari adixkidea,

Aurtengo Olerki liburuaren mamia eskuratua dugu. Oraikoan ere (10garren urte honetan) Euskal herri osotik, 100 bat parte hartzaile gara. Bilduma aurkeztua izango da Senpere Oxtikenean Apirilaren 6ean 12 etan Gero,bazkaria (Zikiro jate bat) iraganen da Senpere Amotz Larraldean. Prezioa 20 Euro. Bazkarirako, izenak nahi ditugu Martxoaren 29rako.

Martxoaren 10ean Iruñeko hiriak bai Nafar Ateneoak («Aspaldiku» Literatur Elkarteko kideen laguntzaz) antolatzen dute Poesia emanaldi bat Erraldoien Txokoan (Descalzos karrika 72), arratsaldeko 20:00etan. Hortan parte hartuko dute Idazleen eskolako kide zonbaitek, «Hondartza eta Whiskya» Iñaki Odriozolaren obra bat antzeztuz eta «Lastozko ihesgunetan» nire azken entzunikuskizuna ere, hor aurkeztua izango da.

Hona hemen informazio gisa Hatsa elkartean ezagutzen ditugun idazle batzuen elektroniko helbide (bloga) batzu (beste batzu balietz, bihotzez, erreferentziak zabalduko gintuzke).

Iruñean Martxoaren 10ean aurkeztua izango den ikusgarri poetikoaren publizitatea hemen dago: http://aspaldiku.blogspot.com

http://www.blogari.net/urkizuk?skin=pop (Patri eta Urtziren aurki bloga)

http://gorroto.mundua.com (egun hautan Mikelats-ek sortu duen gune literario berri-berria)

http://ostertza.blogspot.com (Janire Rodriguez-en idatz-lan iturri gunea)

http://idazten.com/ (Idazleen eskolako hainbat sortzaleen elkar-tokia)

http://www.nontzeberri.com/ (sorkuntza artistikoen berri emailea)

http://itxaurdi.blogspot.com/ (Josu Jimenez Maiaren bloga)

http://nafarhizkuntza.blogspot.com/ (Juankar Lopez-Mugartzaren bloga)

Adixkide Olerkaria,

Agur eta goraintzi beroenak zuri. Ikusi arte

Hatsa Elkartearentzat,

Auxtin

HATSAREN POESIARI BURUZKO INFORMAZIOA

Oxtikenea edo hatsaren poesia

• Egilea: Juan Karlos Lopez-Mugartza Iriarte
• Aldizkaria: Huarte de San Juan. Filologia eta Hizkuntzaren Didaktika, Nafarroako Unibertsitate Publikoa. ISSN 1136-081X, 6 znbk, 2003 , 69-76 orr.
• Berrargitalpena: Maiatz, ISSN 0231-1558, 43 znbk, 2006.eko uztaila (sei hilabetekaria)
  

"Hatsaren poesia" Nafar Poesiaren I. Biltzarrean

• Egileak: Auxtin Zamora eta Juan Karlos Lopez-Mugartza Iriarte
• Aldizkaria: Huarte de San Juan. Filologia eta Hizkuntzaren Didaktika, Nafarroako Unibertsitate Publikoa. ISSN 1136-081X, 9 znbk, 2007 , 93-116 orr.
  

HONDARTZA ETA WHISKYA, MARTXOAK 10, ERRALDOIEN TXOKOAN

Gure asmoa Idazle Eskolako taldeko baten antzezlana irakurtzea da eta gero, Irunen aurreko batean egin genuen bezala, gutako batzuen olerki edo testu laburren bat edo beste errezitatu ere bai.

Antzezlanaren irakurketa eta olerkien errezitaldia martxoaren 10ean izanen da, astelehenarekin, "LASTOZKO IHESGUNEETAN" ekitaldiaren barnean.

Idazle Eskolatik sei lagun joanen gara Iruñera: gutariko lauk (Itziar Gomezek, Iñaki Odriozolak, Jon Orzaizek eta nik neronek, Ainarak) antzezlana irakurriko dugu eta gainerakoek (Doltza Barandiaranek eta Carmen Valoisek) testu edo olerki laburren bat.

SAIOAREN LABURPEN TXIKI BAT

Irunen egindakoaren antzera, lagunarteko emankizun bat izanen da eta Idazle Eskolako Iñaki Odriozolaren antzezlanaren irakurketa ("Hondartza eta Whiskya") zenbait olerkiren errezitaldiarekin hornituko da.

Ainara

LASTOZKO IHESGUNETAN... Auxtin Zamora

Auxtin Zamora idazlea
gure artean izanen da

Martxoaren 10ean , ostiralez, Iruñeko Erraldoien Txokoan (Descalzos karrika 72), arratsaldeko 20:00etan

« Nafar Ateneoak » kultur erakundeak Iruñeko poesiazko animazioen denboraldira gomitatuko duen Olerkaria.

Izan ere, Auxtin « Aspaldiku » elkartearen lagun zaharra dugu eta orain arte antolatu ditugun bi poesia bestatan bera egon da gure artean bere poesiaz eta jakituriaz hornitzen.

Egun, Nafarroa Garaian euskarazko inolako poesia aldizkaririk ez dagoelarik, Auxtinek zuzentzen duen « HATSAren POESIA » aldizkaria dugu nafar olerkariontzat babeslekua.

Oraingoan, diaporama baten bidez, idazle Senpertarrak bere argazkiak eta poemak aurkeztuko ditu. Ondotik, elkarrizketa.

Proposamen berezia

"Lastozko Ihesgunetan" deitzen da Auxtin Zamorak egiten digun eskaintza berezia. Ikusentzunezko lan honentzat, maiteenak dituen bere argazkiak ezkondu ditu aspaldi idatziak zituen olerkitxoekin.

Hona zer dion idazleak berak :

Argazkiaren bitartez milisegundo bat irauten duen errealitate iheskor baten itxura lortzea, liluragarria zait, eta, oraino liluragarriago, errealitatearen itxura hitzekin janztea, zeren, iraganak diren gertakizunei, ukanen ez luketen ameskor eta gehikor bizi zerbait, beharbada, ematen niezaiokeelako.

Biharko errealitatetik, aurretik nehondik, argazkirik ez dezaket hartu, eta idatziarekin, etorkizuna eraikitzeko, iraganaren erreferentziak eta hitzak ditzazket bakarrik baizik erabili... Gari soroetan, uzta sartu eta, lurrean, lastoa etzaten den bezala, iduritzen zait nere idatziak eta argazkiak, bizi izan ditudan gertaeren aztarna iheskor batzu baizik ez direla.

Auxtin Zamora. Euskal idazle lapurtarra, Senperen sortu zen 1943an.

Lau olerki liburuen argitaratzailea:

« Ezin errana » 1986,

« Hatsaren bustia » 1988,

« Haizea ostoetan » 1998,

« Trapuetan haizea » 2000.

- 1999 geroztik, « Hatsaren Poesia » deitutako, urteroko poesia-bildumaren sortzale moldatzaile eta arduraduna.

-Euskarazko Poesia tailer eskoletan animatzailea.

- "Maiatz" aldizkari literarioaren lehen parte hartzaleetatik bat (25 urte)

- "Ttipi Ttapa", "Herria" eta "Euskal Herriko kazeta" aldizkarietan artikulu zonbaiten idazlea.

- 7 urtez erakusketa kultural bultzatzaile eta arduraduna: Senpere, Kanbo, Donibane Garazi, Donibane Lohizune, Sara, Bidarte, Haltsu herrietan.

- "Ostopeko artea", Urdazuri ibaiako artista guzieri idekia nahi duen erakusketaren sortzailea eta arduraduna.

- "Oxtikenea" deitu Senpereko Euskal Zentro Kulturalaren sortzaileetarik bat.

Izan ontsa, lagunok!! Eta zatozte Auxtinekin poesiaz gozatzera!!

Aspaldikuren aholkua duzu hau, irakurle.