Monday, April 30, 2012

Aspaldikuren berri txarra

Berri onak gabonetarako dira... orain, bazkoa aspaldixko joan zelarik, gure kalbarioa eta pasioa propioa iritsi zaigu Aspaldikukoei. Bizitza legea da jaiotzen den guztia hil behar dela. Hori da egia bakarra eta borobila. Aspaldiku Elkartea bera ere hiltzera eta desagertzera kondemnatuta dago, Jinkoa bera gurutzean hil zen bezala... Berpiztu? Ez dakit berpiztuko den edota, agian, krisalida bat bezala beste era batera sortuko, baina orduan, tximeleta beste zerbait izango da, eta ez oraingo zizarea.

Aspaldiku sortu zelarik erdal poetekin loturak egin nahi genituen, inork ere ez zezala "Nafar Poesia" markaz jabe egin, nafar poesiaren barruan euskaldunok ere bageundela uste baikenuen... baina, agian, Auxtinek dioen bezala, ez dugu horrenbestez poesiaz kezkatu behar euskaldunok, eta ardura gehiago erakutsi behar dugu olerkigintzaz. Izan ere, gu ez gara poetak, ez dugu poetak izan nahi, ezta nafar poetak ere... erdaldunek ez baikaituzte ere poetatzat hartzen, ezta nafar poetatzat ere... eta guri bost axola !! Gu ez gara poetak, olerkariak baizik !! Gora Nafar Olerkigintza !! Pikutara poesia !!

Aspaldikuren berri txarra, berri ona izan daiteke euskararako eta euskal olerkigintzarako. Aspaldiku hil da, gora Aspaldiku !!

Hatsaren Egun ibiltaria Berriozarren

Hatsaren egun ibiltaria igaro zen ohi bezala OLERKARIEN EGUNA ospatzeko, liburuaren eguna. Hatsaren Poesia urtero bidaiatzen da Berriozarrera eta hantxe bildu ginen Auxtin Zamorarekin batera betiko lagunak. Mila esker HATSAri, ZORROKA Elkarteari eta Berriozarko Udalari, eta bere auzapezari bereziki. Gora olerkigintza !!


Monday, April 16, 2012

Hatsa elkartearen ageri bat

Olerkari adixkidea,


3 garren ''Hatsaren,Eguna'' ,
''Zorroka'' Euskara taldeak eta  Berriozar-reko Udalak egituratua,
Berriozar-ren ,Udal Liburutegian,
 
 iraganen da
,
Astelehenean, Apirilaren 23an, ,(Liburuaren Nazioarteko Egunean) ,
arratsaldeko 7 etan
musikaldi eta Olerki irakurketa batekin.

Nahi edo  ahal  badezu,
beste parte hartzale guziokin batera,

egun horretan,
zure olerki bat edo bi irakurri
,
etorri !
Denontzat tokia izango da !

Hatsaren Eguna Berriozarren

Hirugarrenez, Hatsaren Eguna Berriozarren ospatuko astelehenean, hilaren 23an, Liburuaren Nazioarteko Egunaren abaroan. Aurreko urteetako ohiturari jarraiki, poesia errezitaldi musikatua eginen dugu Berriozarko liburutegi publikoan arratsaldeko 7etatik aitzina. Bertan izanen dira, bestea beste, Mikel Balentziaga olerkari berriozartarra eta Hatsa Elkarteko buru den Auxtin Zamora senpertarra.  Antolatzailea Zorroka Euskara taldea duzu, eta Berriozarko Udala, laguntzailea

Wednesday, April 4, 2012

Sarako Idazleen Biltzarra

Heldu den astelehenean, Pazko Astelehenarekin, Sarako Idazleen Biltzarra eginen da Lapurdiko herri polit horretan. Durangoko Azokaren zurrunbiloan galtzen edo itotzen bazara, zatoz Sarara, askoz ere giro lasaiagoa, literarioagoa eta xumeagoa izaten baita. 

Idazleekin solas egiteko parada —ehun idazle baino gehiago biltzea espero baita— eta liburu berriak ikusteko aukera ezin hobea! Aurten Pier Paul Berzaitz kantari handiak jasoko du omenaldia, baita Ziburuko Jakintza elkarteak ere 


Aurten ere, iaz bezala, Euskal Idazleen Elkarteak bere lekua izanen du bertan.

 Joanmari Apaolaza eta Josu Jimenez Maia Saran, iaz.

Tuesday, April 3, 2012

Hatsaren Eguna 2012: kronika ttipia

Larraldera hurbildu zinetenei, bihotzetik eskerrak!

Ahaztu ezin den gertakizun bat, elgarrekin iragan dugu poesiaz ehundutako  egun bat... olerki bat, norberak sortu zuen, bai, liburu berrian idatzia zaukan beste bat irakurri, eta. azkenean, Allende Arnaitzen Olerki analogikoak bideoa preziatu!

Poesiarekin batera, elkarren artean partikatu hitzak eta burutazioak ez ditzazkegu  zenbakitu, baina, segur  gira, etorkizunerako eragingariak izanen direla!

Agur luze bat Senperetik!

Hona hemen, taldearen argazki bat!

Auxtin Zamora
Informazio zabalagoa Euskal Idazleen Elkartearen Hitzen Uberan


Friday, March 30, 2012

Sakanako eta Erronkariko lagunen ekimenak euskararen alde

Gurea olerkigintzaren aldeko bloga den arren... ezin da ukatu benetako poesia jendeak egunero bere ekintzekin egiten duena dela. Zertarako euskal poesia, euskal hiztunik ez badago ??

Sakanan eta Erronkarin Guaixe aldizkarikoak, Beleixe irratikoak eta Kebenko elkartekoak euskararen aldeko beren lana egunero-egunero egiten ari dira... batere laguntzarik gabe... Guaixe eta Beleixeren egoera izugarria da, benetan kezkagarria, galerak galeren gainean, Nafar Gobernuak bere laguntzak ukatzen ditu eta estutu eta estutu egiten du itotzeraino... honek zer nolako errima du?? zer nolako kopla da hau?? metaforarik gabeko herri batean bizi gara... ezjakintasuna da nagusi... geneukan apurra bera ere kendu nahi digutela.

Sakanakoekin zure elkartasuna adierazi nahi baduzu, irakurri ondoko esteka hau:

http://2000esker.blogspot.com.es/

Erronkariko euskaltzaleekin bat egin nahi baduzu, Euskal Herri osoan euskararen olerkia zabal dadin, irakurri Kenbenko esteka hau:

http://uskaraeguna2010.blogspot.com.es/

Ez da hilen, ez da hilen
Erronkarin uskara...

Ezta Sakanan, ezta EH-n ere !!

Wednesday, March 28, 2012

Monday, March 26, 2012

Sakanako GUAIXE aldizkaria eta BELEIXE euskal irratia desagertzeko arriskuan

HATSA elkartearen oharra "Olerkarien eguna" dela eta

***  Ohar garrantzitsua:                  
  ''Olerkarien eguna''  ezin  bada 
Otsailaren 31 an ospatu ,
baina bai beste nahi den egun batez, 
ez da arazorik izango: 
finkatutako  egun desberdinaren data,
"Olerkarien eguna"ren barnean
kontutan hartua litzateke

Olerkarien egunean parte hartzera deitzen du HATSA Elkarteak

Adixkide olerkaria ,
.
Batzuek ,beren izena emana dute ''Hatsaren Poesia '' egunaren barnean  parte hartzeko ,
besteak ,ezin dira lgandean  gurekin izan .Eta hori, ulertzen dugu sakonetik: nor berak daki  bere bizian ,momento guziez, zer diren  bere  egin beharrak.
Baina ,sentitzen dugu  : zuek ere,  Igandeko Larraldeko ekitaldian , denon  barneko  pentsamenduetan  izanen zaretela  .
 Hala ere  nahi ginuke  sentimental lotura bat gehiago egin  gu guzion artean .
Larraldera etorri ahal ez litezkeneri ,  ' 'Olerkarien egunean "  parte hartzea   eskatzen diegu .Ikusi http://olerkarieneguna2.blogspot.fr/
Xinplea da, aski da ,zer eta nun  eginen duzun ,( demagun,  olerki baten irakurketa)   Hatsa-ri jakinaraztea !
 Eta irakurketarik edo parte hartzerik  egin ez bazenuke,    bederen, ''Olerkarien eguna'ren karietara bilduko diren guziekin ,
eskatzen  dizugu, pentsamendu-lotura  baten  ukaitea   !

Hatsa elkartea

Thursday, March 22, 2012

BIDANKOZETIK USKARAREN EGUNERAKO DEIA

KEBENKO Elkarteko lagunek gonbidapena luzatu digute guztioi Bidankozera hurbiltzeko... Izan ere, Uskararen Eguna gero eta hurbilago dagoenez motorrak hasteko garaia da...!!

HATSAREN POESIAREN EGUNA ATEAN DA

Oroitarazten dizugu,:

 1)  'Hatsaren Poesia' egunean noiz nahi  etorri zaitezkela baina  bazkaldu nahi baduzu, izenenaren emaitea  24eko
beharrezkoa  zaigula

 2) ''Olerkarien eguna "  ospatu nahi dugu  idekidura zabal batekin.
baina momentoz, ez dugu oiartzun haundirik???
Udaberriko artzak ,dirudi , aurten ,iartzatze nekea daukala . Baina   hala ere espero dugu kimu- muskilak  usnaturik , noizbait , gure alimalea animatuko dela !   

 Nola egin  ? Jakiteko ,hona hemen   aurtengo  eta iazko blogeen  helbideak .
http://olerkarieneguna2.blogspot.com/
http://olerkarieneguna1.blogspot.com/

bestenaz idatzi diezagukezu helbide honetara:
( hatsaelkartea@aol.com)

Saturday, March 10, 2012

Brecht - Aresti Larralden

Hatsa elkartearen laguntzarekin, Poeta hautatuak - Ausgewählte Gedichte liburua aurkeztu zen atzo Larralden. Bertoldt Brecht eta Gabriel Arestiren hainbat poema alemanez zein euskaraz biltzen duen liburua aurkezteaz gain, errezitaldia ere eskaini zen EuskAlema elkartekoen eskutik.



Arratsalde berezi eta aberatsa izan zen atzokoa, zinez! 


Monday, March 5, 2012

Maite ditugun olerkariak saileko beste ekitaldi berri bat "EuskAlema"



Adixkide olerkaria,

"Maite ditugun olerkariak "sailaren barnean, Martxoaren 9an  ''EuskAlema'' elkartea  gomitatzen dugu. Hona hemen,beren mintegi bateko  argazki batekin, elkarteak bidaltzen digun ageri bat


-"" Gabriel Aresti eta Bertolt Brechten olerkiak, euskaraz eta alemanez:""
l

Euskalemak argitaratu berri duen olerki bildumatxoaren berri eman nahi genizueke, Senpereko Larralde Etxean, martxoaren 9an, 17.30etan egingo dugun aurkezpenaren bitartez. Bertan, olerki batzuk irakurriko ditugu, liburutik hautatuak. 
Liburuan, bi olerkari garaikide handi eta garrantzitsuok jarri ditugu elkarren ondoan. Brechten zenbait olerki lehengo aldiz izan dira euskaratuak, Arestiren gehienak alemaneratu gabe zeudelarik. Brechten itzulpen "historiko" batzuk, hainbat euskal musikarik erabili dutenak esaterako, frantsesetik edo gaztelaniatik eginak ziren: horiek ere, aztertu eta argitaratu ditugu liburu honetan
Euskalema Elkartea, euskararen eta alemanaren arteko harremanak sustatzeko sortu zen duela lau bat urte, betiere harreman zuzenak bultzatu nahian, ez frantsesa edo gazteleraren bidezkoak. Harremanotan, hizkuntz harremanez eta itzulpengintzaz gain, kultur arlo desberdinetako ekimenak batu ditugu. Helburuok lortzeko, mintegiak, itzulpen-lantegiak, hitzaldiak, jardunaldiak, irakurraldiak, etab. antolatu ditugu orain arte, aipatu argitalpen hau gure azken lana izanik. Gure kideen artean, euskaraz dakiten aleman hiztunak ditugu, edota alemanez dakiten Euskal Herrikoak. Batzuk Euskal Herrian bizi gara, beste batzuk berriz atzerrian.

Friday, February 10, 2012

Andu Lertxundiren beste aipu eder bat


Uste errotuenak zientziaren esku uzten du errealitatea ezagutzeko patrimonioa eta baita prozedura ere. Baina poesiak ere, ezagutza modu bat den aldetik, gaitasun intelektualak jartzen ditu abian, zertarako eta gauzen izaera, ezaugarriak eta erlazioak bilatzeko.
Aldi berean, nola hitz egin poesia batez poesia hura gozatu genuen moduaz hitz egin gabe, eta poesia bere horretan iraunarazten duen misterioaz galderarik egin gabe?
Garai batean fedeagatik esaten genuena gertatzen zaigu gaur poesiarekin eta, oro har, artearekin ere: ukitzen, ikusten, entzuten, ulertzen ez dugun zerbaitetan behartzen gaituzte.


Lertxundi, A.; Eskarmentuaren paperak, 18. or. Alberdania, 2010


Thursday, February 9, 2012

Andu Lertxundiren aipu ederra


Errealitatearen ezagutza modu bat da poesia: horra ekintza poetikoaren eragin bat. Zehatzago esateko: beste ezeren gainetik, ezagutza modu bat da poesia. Ezagutza. Modu bat.
Prozesuan hartutako erabaki-multzo bat da obra artistiko oro, eta obra batetik bestera dagoen aldea bidean hartutako erabaki-multzoarena da. Orain idazten ari naizen testuak ez du zer ikusirik joan den hilean idatzi nuenarekin, ez bakarrik aurrez hartutako erabakiak (gaia, tonua...) desberdinak direlako. Prozesua ere aldatu egin da. Idazle batek ez daki nola taxutuko duen bere hurrengo obra. Hona eskarmentuz dakien bakarra: ordu arte idatzitako lan bakoitzak bere bizi propioa izan duela; prozesuaren une askotan prozesuak berak hartu duela protagonismoa, idazlearen beraren borondatearen gainetik.
Testu bakoitza hautaketa bat da, mila eta mila aukera baztertu beste erremediorik ez duen inausketa. Kutxa gotor bateko diskoari jira eta bira ari den lapurraren itxura du idazleak. Halako batean hots bat entzun du.
Kras!
Aurpegia argitu zaio idazleari.
Izendatzen ditugunak esnarazten saiatzea da idaztea, manifestatzeko duten erresistentzia gainditzea. Baina artistek, onenean ere, oso bakanetan asmatzen dute kutxa trinkoaren konbinazioa.

Lertxundi, A.; Eskarmentuaren paperak, 16. or. Alberdania, 2010

Friday, January 13, 2012

Maiatz, 30 urtez


ZORIONAK "Maiatz" zure 30. urtebetetzean !!

Hi bai euskara biziarazten eta gu ilustratzen ari haizela!

Maiatz elkartea 1981eko abenduan sortu zen eta lehen aldizkaria ondoko otsailean argitaratu.
Geroztik egin da bide eta askok parte hartu zuten idazten eta molde askoz laguntzen. Bereziki eskerrak eman behar zaizkie Itxaro Borda eta Lucien Etxezaharreta maiatz-argitaratzaile, idazle eta euskaltzale 
amorratuei.
 Mila zorion !! Eta beste 30 urte gehiagotarako !!

Hatsa elkartearen ageri bat

Olerki galdera

   Aurten ere ,"Hatsaren Poesia",    olerki bilduma  , oraino  14 garren aldi batez,   , aurreratzeko bidean eman nahi ginuke   .
             Aldi  oroz bezala itxaropen  haundi batekin pentsatzen dugu ,   olerkari  askoren partehartzeak,  ez digula  huts egingo .Zuen olerkiekin  batera , maiteenik duzuten, idazle baten  testo poetiko labur bat , igortzea , ere ,oraikoan,  eskatzen dugu,
.             Badakigu , poesia  munduan , ez litaikela mugarik eman behar , baina materialki  ezin bestean, olerkien bidaltzeko  epe bat finkatu dugu , hau da , Urtarrilaren15 a 
(Mezu hau   pasa ,   zuen  inguruan diren olerki idazleeri)
N.B : Zuen aurpegiaren argazki berri  bat,  otoi , behar ginuke, bai eta  ere(olerkari berrientzat), jakin, noiz eta nun  sortua zareten

     **********************************************

«  Olerkarien eguna «Martxoaren 31an

 "Hatsaren poesia " eguna-ren bezperan ,
2 garren "Olerkarien  eguna"   egituratuko da
Egun hortan ,Euskal herri  osoan , edo  beste  edozoin   tokitan ere ,
 olerki idazle edo olerkizale  norberak aukeratu dezake  :  gune bat, antzoki bat, taberna bat , berdin enparantza bat  ,ots, nahi duen  gune bat , bakarrik edo beste pertsona  batzuekin , maite dituen euskarazko olerki  edo testo poetiko zonbaiten  aurkezteko  ( eta hori, nahi duen modura , irakurriz,..abestuz…., antzeztuz edo abar)
Lotura bat, Internetez
(http://olerkarieneguna2.blogspot.com/) eta prentsaz, eginen ginuke  denon artean ,  partehartzale norberak  ,   nun eta ze ordutan egitaratuko  luken bere aurkezpena, Martxoaren 20 eko, Hatsa elkarteari, jakinaraziz gero

Tuesday, January 3, 2012

Beleixe maratoia !!



ORIOTIK KRESALA, BENITO LERTXUNDIREKIN BATERA

ORIO

Ikuslegoa eta Benito Lertxundiren arteko erabateko elkar ulertzea

Bi ordu eta erdiko kontzertu bikaina eskaini zuen musikariak Karelan





Bi ordu eta erdiko kontzertu hunkigarria eskaini zuen Benito Lertxundik joan zen larunbatean Karela kiroldegian. Duela bi aste eskaintzekoa zen kontzertua, baina bertan behera geratu zen Benito Lertxundiren ondoezaren ostean.

Larunbateko kontzertuan, laster batean argitara emango duen disko berriko kantuak abestu zituen emanaldiaren lehenengo zatian; bigarrenean, berriz, bere kantu arrakastatsuenetariko batzuk abestu zituen, jendearen laguntzaz.

Benitorekin oholtza gainean zortzi musikari izan ziren eta, hiru kantutan laguntzen, Aspaldikuko Intza Unanue oriotar gaztea aritu zen. Larunbatean kiroldegia jendez gainezka izan zen eta oriotarrek eta inguruko herrietatik etorritakoek merezi zuen harrera egin zioten Benitori; ikuslegoa eta Benitoren arteko elkar ulertzea erabatekoa izan zen.