Monday, May 26, 2008

AUXTIN ZAMORA ETA MARAM AL MASRI LIZARRAN

Adixkide olerkariak

“Aspaldiku” Iruñeko kultur elkarteak zazpi ahalak egiten ditu, Euskal munduaren presentzi literario bat, erdaldun inguramen bati azaltzeko. Lan zaila, zeren bi hondare desberdin eta elgar ezezagutzen dutenen artean zubi hipotetikoak ez direlakotz arrosa hegaltxoez estaliak. Jadanik badugu aski lan gure inguramen euskaldunaren atxikitzen, besteenetaz arduratu gabe, baina denbora berean, ez ditzakegu begiak hetsi, eta deusik egin gabe egon, nunbait auzokoak (bederen etsai ez direno), gure izaite kultural batetara konbentzitu gabe “HATSAren POESIA” bilduman idatziak diren, olerki guziek, gure euskal poesia bizi delaren ageri bat dakarte, lekukotasun bat Euskal gizartearentzat, baina ere, noski beste gizarte guzientzat.

Pertsonalki gomitatua naiz, baina nire pertsonak ez du aski erreferentzirik olerkari bezala kontsideratua izaiteko beraz, HATSAren POESIA bilduman parte duten guzien lekuko bezala aurkeztuko naizela, nahi dizutet erran !

Auxtin Zamora

P.S. Erran gabe doa, “HATSAren POESIA” bilduman parte hartu duten guziak Lizarrara gomitatuak direla !

Izenak aurretik, gure gutun elektronikora bidali ditzakezue. Egitaraua Aspaldiku-ren blogean ere da.

Nafarroako III. Poesia Biltzarra


EMAKUMEA ETA POESIA


LEKUA: LIZARRAKO KULTUR ETXEA

EGUNA: 2008ko ekainaren 7a


10:00 AURKEZPENA – ARGIBIDEAK

Aspaldiku Nafarroan Kulturaren Hedapenerako Elkartea

Lizarrako Udala


10:30 OLERKARI GONBIDATUAK

Maram Al Massri. Aurkezlea: Belén Galindo

Auxtin Zamora. Aurkezlea: Juankar Lopez-Mugartza


12:00 POESIA LANTEGIAK

Gaztelaniaz: Olerkigintzarako sortze-tailerra

Zuzendaria: Jose Javier Alfaro

Euskaraz: Emakumea eta Poesia

Zuzendaria: Juankar Lopez-Mugartza


14:00 BAZKARIA

Lizarrako jatetxe batean, parte hartzaileak


17:00 OLERKI ERREZITALDIA

HATSAREN POESIA: 10 URTE

Aurtengo olerkari gonbidatuek bukatuko dute:

Maram Al Massri

Auxtin Zamora

HATSAren POESIAren olerkariak


Auxtin Zamoraren "BARNEKO BURBUILAK" Ikusentzunezkoa proiektatuko da itxiera ekitaldia baino lehen


19:45 ONDORIOAK, NAFARROAKO III. POESIA BILTZARRAREN AMAIERA ETA HURRENGO BILTZARRERAKO GONBIDAPENA

Monday, May 5, 2008

HENRIKE KNÖRR IRAKASLE ETA OLERKARIA JOAN ZAIGU


HENRIKE BLOGOSFERAN

hk@henrikeknoerr.com
http://henrikeknoerr.com/blog/

1.

http://www.blogari.net/filoblogia/2008/04/30/

Henrike Knörr sailkide eta adiskidearen heriotzaz jakin berri dut. Atsekabe handiz jaso dut berria, nahiz eta bagenekien oso gaixorik zegoela.

EHUko Hizkuntzalaritza eta Euskal Ikasketak Sailean madarikazio bat bota digutela ematen du, zer pentsatu bestela? Azken urte hauetan, Andolin Eguzkitza, Isabel Gomez Txurruka, orain dela bi aste Axun Aierbe eta gaur Henrike.

2.

http://eibar.org/blogak/amatino/archive/2008/05/02/henrike-knorr

"Gaur iluntzean, Gasteizen, mila inguru lagun bildu gara hileta-elizkizunetan. Ez gero nolanahiko elizkizuna. Hogei apaiz... koru bi... behingoz taxuz eta zentzuzko homilia... hainbat hizlari euskaraz, gaztelaniaz zein katalanez... semearen eskerrona... aurreskularia... Agur Jaunak, "Agur Jesusen Ama", Michel Labéguerie-ren "Aurtxo aurtxoa"... Araba, zazpigarren alaba!"

3.

http://eibar.org/blogak/joana-albret/archive/2008/05/02/henrike-knorr

Henrike Knörren galera handia izan da, galera handia, batik bat euskal kulturarentzat, baita euskal liburugintzarentzat ere.

4.

http://xavierborras.blogspot.com/2008/04/ha-mort-henrike-knrr-borrs.html

Mon cosí Henrike Knörr Borràs ha mort avui gairebé al punt de les 5 de la tarda al País Basc a l'edat de 61 anys, després de nou mesos de fer un càncer.

5.

http://olivarchamartin.blogia.com/2007/071501-apoyo-de-henrike-knorr.php

Amice, amica:
Hodie in Bilbaonensi El Correo edito diario publicatas litteras meas libenti animo mitto tibi. Contra barbaros scripsi eas, qui Ramón Menéndez Pidal eximii magistri domum destruere volunt. Si tu quoque contra barbaros agere et nobiscum pugnare vis, scribe ad informaticum forum: olivarchamartin@gmail.com
Vale bene.

6.

http://firgoa.usc.es/drupal/node/29170

El sueldo del profesor universitario da para comer. Lo malo es que no da ni para desayunar ni para cenar», solía decir Juan Echevarría Gangoiti, el que fue rector de la Universidad Autónoma de Bilbao.

7.

HENRIKE KNöRR IRAKASLEAREN ZENBAIT GUTUN (Latinez, ohi zuen bezala)

Euskal Herriko zenbait aldizkaritan plazaratutako artikuluen inguruan


7.1. UTINAM
Date: Fri, 14 Mar 2008 23:16:07 +0100
From: Henrike Knörr

Amice, amica:

Articulum quem hodie in El Diario Vasco nominato periodico diurno publicaui libenti animo mitto tibi.

De tristissima uiolentia scripsi, eius causam quaerens in ignorantia.

Utinam renascatur humanior et fortior patria nostra bona cum pace et
fraternitate.

In Noua Victoria uel Gasteiz in Vasconia, XIV. Kal. Mart. MMVIII.

Henricus Knoerr

***

7.2. IN MEMORIAM PILAR BARANDIARAN
Date: Sat, 19 Jan 2008 09:16:07 +0100
From: Henrike Knörr

Amice, amica,

Articulum quem hodie in El Correo nominato periodico diurno
publicaui libenti animo mitto tibi. In sermone uasconico autem IX.
Kal. Jan. in El Diario Vasco uidit lucem.

Pilar Barandiaran, Jose Miguel Barandiaran sapientis nepos, in prima
die noui anni obiit. Ad eius perpetuam memoriam scripsi articulum.

Noua Victoria uel Gasteiz in Vasconia, XIX. Kal. Jan.

Henricus Knoerr

***

7.3. PILAR BARANDIARAN
Date: Thu, 10 Jan 2008 18:43:38 +0100
From: Henrike Knörr

Amice, amica,

Articulum quem heri in El Diario Vasco nominato periodico diurno
publicaui libenti animo mitto tibi.

Pilar Barandiaran, Jose Miguel Barandiaran sapientis nepos, in prima
die noui anni obiit. Ad eius perpetuam memoriam scripsi articulum.

Noua Victoria uel Gasteiz in Vasconia, X. Kal. Jan.

Henricus Knoerr

***

7.4. VICTOR HUGO ET VICTORIA
Date: Mon, 24 Dec 2007 18:28:31 +0100
From: Henrike Knörr

Amice, amica,

Articulum quem hodie in El Correo nominato periodico diurno (in
Victoriensi editione) publicaui libenti animo mitto tibi. Landazuri
Societatis hebdomadaria in sectione uidit lucem.

De Victor Hugo gallico scriptore locutus sum, qui Germanicam
Nurembergam et Vasconicam Victoriam comparauit.

Vale bene, et felix sit tibi Iesu Christi nativitatis festa.

Noua Victoria uel Gasteiz, XXIV. Kal. Decemb.

Henricus Knoerr

***

7.5. PACEM ET FELICITATEM
Date: Wed, 19 Dec 2007 23:41:03 +0100
From: Henrike Knörr

Amice, amica,

Pacem et felicitatem in diebus nativitatis Iesu et in toto anno novo MMVIII.

Vale bene,

Henricus Knoerr

Nova Victoria vel Gasteiz in Vasconia, Kal. Dec. MMVII.

***

7.6. NOUA VICTORIA
Date: Mon, 12 Nov 2007 20:19:53 +0100
From: Henrike Knörr 

Amice, amica,

Meae informaticae machinae nimis diu non bene fuerunt. Ecce mei silentii causa. Hic habes quattor articulos:

I. "Las lenguas y ETB". El Paí s del País Vasco. VI. Kal. Septemb.

II. "En la muerte de Azaola". El Correo, IV. Kal. Oct. et El Diario Vasco, VII. Kal. Oct.

III. "Laxalten The Basque hotel". El Diario Vasco, VIII. Kal. Nouemb.

IV. "Laxalt y The Basque hotel". El Correo, X. Kal. Nouemb.

Vale bene.

Henricus Knoerr

Noua Victoria uel Gasteiz in Vasconia, XII. Kal. Nouemb. MMVII.

***


Wednesday, April 16, 2008

MARTXOAK 10, HATSAREN OMENEZ

HATSAren POESIA aldizkariaren 10 urteak betetzen diren honetan, martxoaren 10ean Iruñean ekitaldi bat egin zen urtebetetzea ospatzeko. Egun hartan goxo-goxo egon ginen LASTOZKO IHESGUNEETAN saioa ikusten eta WHISKYA ETA HONDARTZA antzerki irakurtua entzuten. Argazkitxo batzuk atera zituen Auxtinek eta hona hemen argitara emanak.

Batek baino gehiagok galdetu egin du azken aldi honetan ea zein den HATSAren elkartearen eta ASPALDIKU elkartearen arteko lotura, ASPALDIKUren bloggean HATSAren informazio anitza eskeintzen baita.

Bai, bi elkarte ezberdin gara, guztiz autonomoak, baina komunikazioa oso estua dugu bi elkarteon artean. Gainera, kontua da gutariko batzuk bi elkarteetan gaudela. Ez da harritzekoa... Euskal Herrian bagara lagun anitz txapela anitzekin... ez al da hala? Milaka elkarteetan eta diru zorroa husten hainbat lekutan, hilabeteko bazkide fitxa ordainduz. Beraz, ASPALDIKU gauza bat da eta HATSA beste bat. Baina, ez dago arazorik ASPALDIKUkoa izateko eta aldi berean HATSAkoa ere bai. Edo alderantziz, HATSArena izan zaitezke eta ASPALDIKUkoa ere bai.

HATSA Elkartea guztiz euskalduna da eta euskararen alde lan egiten du euskal poesia, hots, euskaraz egiten den poesia bultzatuz. Auxtin Zamoraren lanari esker Senperetik Euskal Herri osora zabaldu da eta ibilbide horretan euskara du helburu eta abiapuntua.

ASPALDIKU, berriz, euskaltzalea da, baina ez osoki euskalduna, bazkide anitz erdaldunak direlako. Gehien bat Nafarroa Garaian aritzen da eta olerkari euskaltzale baina erdaldun bati sorrera zor zaio Nafarroan poesiaren besta bat antolatzea eta olerkari euskaldunak gonbidatzea bururatu zitzaiolarik. Elkarte honen hazia orduan erein zen, gure protohistoria txikiaren Harrizko Aroan. Eta une hartan ASPALDIKU elkartea sortzearen ideia hasi zen gorpuzten eta "euskara sail" bat osatzearen beharra agerian uzten. Izan ere, ASPALDIKUren euskal arloa honela osatu zen, HATSAren POESIAren orrialdeetan idazten zuten lagun batzuekin. Eta handik lotura.

ASPALDIKU sortu zenean argi eta garbi ikusi zen, euskararen kasuan argiago eta garbiago oraindik, Nafarroa izena zentzu zabalean ulertu behar zela. Izan ere, Jimeno Jurio historialariak irakatsi bezala nafar hitza (bizkaitar hitzarekin gertatu ohi den bezala), 'euskal' hitzaren sinonimotzat hartzen dugu, Erdi Aroko usadioa egungo gizartera ekarriaz.

Beraz ASPALDIKU, ASPALDIKU da eta HATSA, HATSA. Baina ASPALDIKUko euskaldunak HATSAren seme-alabak gara eta gure ama maite dugu... baita gure aita ere!

Sunday, April 13, 2008

"Muxugorri" liburuaren aurkezpena Berriozarren

Liburuaren Nazioarteko Egunaren karietara, Muxugorri poesia liburua aurkeztuko dugu Berriozarren. Aspaldikuren eskutik datorren poesia liburu hori Berriozarko Udalaren laguntzari esker argitaratu da, eta sei poetak parte hartzen dute, hamarna poemarekin: euskaraz, Mikel Balentziaga Izagirre, Naiara Sánchez Inda eta Josu Jimenez Maia; erdaraz, berriz, Ana Estepa Román, Genoveva Gómez Prieto eta Kutxi Romero Lorente.
Hiru emakumezko eta hiru gizonezko, seiak "Muxugorri" inguruan bildurik, poesia Berriozarretik mundura eskaintzeko.
Liburuaren aurkezpena arratsaldeko 7etan eginen da Berriozarko liburutegian, hilaren 23an.

Thursday, April 10, 2008

ASPALDIKUREN HISTORIA HURBILA

Ondoko lerrootan gure elkartearen hastapenen inguruko eztabaidak dituzue. Erdal poeta batzuk hasi ziren poesiaren inguruan topaketa bat antolatzen ("kongresu" hitza zerabilten). Horietako bati (euskaltzalea baitzen) euskaldunei deitzea bururatu zitzaion eta gutako batzuekin harremanetan sartu zen. Gonbitea onartu genuen eta... gaur egun arte!

Hala eta guztiz ere, estakururen bat edo beste ere egon zen hasiera hartan orduko antolatzaile guztiek ez baitzioten euskarari begirune bera erakutsi, eta tamalez, antolatzaile hura antolaketa taldetik atera bazen ere, harako hura iltze batek zurezko oholean uzten duen zuloa bezalakoa izan da guretzat.

Hona hemen egun haietan eztabaidatu zena sustatu.com webgunean:

NAFARROAKO ERDAL OLERKARIEN KONGRESUAN EUSKALDUNAK GONBIDATUTA

Nafarroako olerkari, talde poetiko eta aldizkari poetiko guztiak gonbidatuta daude. Euskararen kasuan, euskaldun guztiok gara neurri batean edo bestean nafarrak, historiak, literaturak, Euskal Herriak berak nafar egiten baikaitu. Beraz, euskal idazle guztiak daude gonbidatuta eta, horregatik, euskal aldizkari poetiko guztiak ere bai.

ERDAL OLERKARIEN KONGRESUAN EUSKALDUNOK ZABALKUNDE LANA

Hasierako programa pixka bat aldatu duten arren erdara/euskara ratioa ez dago batere orekaturik baina ulertu behar da haiek antolatu dutela kongresua, haiena dela, eta batzuek ez dutela ezta ideiarik ere gure munduaz, olerkaririk ote dagoen ere ez. Gu, euskaldunok, ikusezinak gara gure etxean. Horregatik, garrantzi handikoa da, behingoz, haiek gutaz oroitu eta lekutxo bat guretzat utzi izana. Hau da, zabalkunde lana egitera joango dira bere aldizkari, talde poetiko edo olerkiak aurkeztera hurbilduko diren euskaldunak. Erdaldunek jakin nahi dute nor garen eta zer nolako gauzak egiten ditugun. Baten batek lan hori egiteko gogoa badu, orain du aukera.

ERDALDUN EUSKALTZALEEI EUSKAL MUNDUAREKIN ZUBIAK ZABALTZEN

Apirilean, benetako "NAFAR POESIAREN BESTA" egin genuen Senperen HATSAren POESIAren egunean, Oxtikenean. Hori da gure benetako besta. Besterik ez dago. Erdal munduak proposatzen digun hau zubi txikirik baizik ez da. Baina eskertzekoa. Beti bizkar emanda bizi diren bi komunitateok egun batez elkar hartzeko eta aditzeko aukera. (...) Agian, orduan, oraindik ulertzen ez dituzten gauza asko hasiko dira ulertzen. Bizitzaren gauza asko ez baitira ikasten, bat bederak jasaten ez dituen arte. Euskarari ez zaio tarte bat utzi behar, euskarak bere tartea bete behar du. Gauzak batera egin behar dira. Programak eztabaidatu eta adostu. Euskal idazleen elkarteen iritzia eskatu behar da. Euskal poeten ideiak entzun. Gonbidatuak izan beharrean gu ere izan gintezke kongresu horren antolatzaileak, sustatzaileak, bultzatzaileak. Orain, berriz, gonbidatuak gara eta eskertzen dugu gonbidapena. Halere, ulergarria da, hein berean, batzuek gonbidapenari uko egitea. Baina, halaber, interesgarria da eskeintzen zaigun abaguneaz baliatzea erdaldunen aurrean euskararen alde mintzatzeko eta erdaldun euskaltzaleei euskararen mundura daraman zubia erakusteko.

ANTOLAKETA

Antolatzaileek kongresua antolatu duten moduan, hobe da denok hainbat taldetan banatuta egotea, denok hitz egiteko aukera izan dezagun. Banaka etorriz gero bakarrik olerkiak irakurtzeko aukera egongo da, baina izena garaiz ematen baduzue talde poetikoen eta aldizkarien tartean sartu ahal izanen zarete, eta poesiari buruz hitz egin ahal izanen duzue, edo euskarari buruz, horretarako taldeak egingo baititugu propio. Gogora ezazue, ordea, entzule gehienak erdaldunak izanen direla eta ez legokeela gaizki esaten duzuena erdaraz ere aditzera ematea, llabur-llabur bada ere.

Wednesday, April 9, 2008

HATSAREN POESIA EGUNA SENPEREN

Bildumatxo labur bat

Apirileko lehen igande honetan Euskal Herriko lau hegaletarik etorritako 70 bat olerkizale, Senpereko Larraldean elkartu dira, euskarazko olerkiari besta bat egiteko, beren biziko harat honateri ebatsi egun bat, poesiari eskaintzeko.

Besta honen karietara, 10 garren «Hatsaren Poesia» deitu olerki bilduma aurkeztua izan zen . Honen azalean hatsa eta lurra elgarrekin lotu nahi duen argazki bat aurkitzen da eta, barnean 120 bat idazleen olerkiak, bai eta 130 bat haur eta haurtxoen talde-olerkiak ere.

Bazkari ondoan, hor ziren 40 bat idazleek, beraien,edo, bestan ezin izan zitezkeen idazleen olerkiak irakurtu edo abestu zituzten, entzuleeri zirada asko sortaraziz New York-eko Elizabeth Macklin eta Amsterdameko Aitziber Renteriaren testuak ere entzunak izan ziren, munduko beste puntan, poesia euskaraz idazten dela nunbait nabarrituz. Iaz Poesiaren egunean zirenen artean idatzitako olerkia, ere une berean, azaldua izan zen.

Bere 69 urteak egun hortan betetzen zituela eta, hastapenetik «Hatsaren poesia»n parte hartu duen JosAnton Artzeri, omenalditxo bat egina izan zen Honeri dagokioke datorren 2009 urteko olerki bildumaren hitzaurrea idaztea.

Hatsa hartzen balin bada eta botatzen, hatsa, behin betikotz uzten da ere. Andolin Eguzkitza, Olivier Olarizu eta Manex Bergarari, urteetan zehar «Hatsaren Poesia» liburuan parte hartu zuteneri, minuta bat ixiltasun eskainia izan zen.

Arratsaldean «Barneko burbuilak» deitu bideoak arrakasta haundi bat bildu zuen, baloratuz: Hatsa elkartearen babesapean egiten diren tailer kideen olerkiak,bai eta Auxtin Zamoraren argazkiak.

Arratsean olerkari gazteak beren baitarik elkartu ziren eta pentsatuz jadanik datorren urteko poesia bildumari, olerki kolektibo bat idatzi zuten. Horrela bururatu zen euskal poesiari eskainia izan den egun goxo hau !

Hatsa elkartearentzat,

Auxtin

P. S. Erran gabe doa, Hatsaren Poesia egunean, Senperen ez zirenentzat, liburuaren ale bat dohainik idazle norberarentzat gordetzen dugula. Hau, zuek eskatutako modu egokienean igorriko dizuegu. Denontzat postaz dohainik bidaltzea garrestiegia zauku edo bestenaz, garaio gastuentzat eskatzen dugu 3 Euro.

Poesiaren munduan egonez, «Aspaldiku», Iruñeko kultur elkartekoek jakinarazten dute, Nafarroako 3 garren Poesiaren biltzarra, ekainaren 7an, larunbatarekin, goiz eta arratsaldez, Lizarrako Gustavo de Maeztu museoaren egoitzan iraganen dela Hatsaren Poesia bilduman parte hartzen duten guziei, nor beraren irakurketa bat proposatua zaie.

Hatsaren Poesia egunean hartutako argazki zonbait, bai eta Gara-n (milesker Guillan Oier) eta Berria-n (milesker erredakzioa) agertu artikuluak «Aspaldiku» elkartearen Blogean aurki ditaizke.