Sunday, March 14, 2010

HATSA Elkartearen ageri bat



Zuri , adixkide bai eta zure lagun olerkari guzieri
!

"Hatsaren Poesia Olerki Bilduma 2010"
Apirilaren 11 ean
Senpere-Larraldean
aurkeztua izango da.
Hamabi garren aldi honetan oraino,
momento goxo baten elgarrekin
partikatzera bihotzez gomitatzen zaitugu

-12etan > Liburuaren aurkezpena
- Ordu batean : Bazkaria (25euro)
- 3etan > -Idazleen Olerki irakurketa

5etarik harat: 'Hatsaren olerki bustiak (2010)" , argazki-olerki ikuskizuna , liburuan idatzi duten guzienen olerki-testo pasarte poetikoenekin osatua .

Hatsa elkartearentzat:

Auxtin Zamora

- P.S Behar beharrezkoa zaigu , bazkarirako, jakitea , etortzeko
gogorik badezun ?
Zonbat pertsonekin etorri zintezken ? Erantzuna bidali
Apirilaren 4eko

Liburuan parte hartu dutenen idazle eta taldeen izenak , hona hemen :
Agur-Meabe Miren, Aintziart Piarres, Akixo Kepa Zigor , Ama Guadalupe (JA), Ama Guadalupe (JB), Andoaingo "Leizaran" Institutoa, Andueza Agurtzane, Andueza Maddi, Anselmi Luigi, Arruabarrena Marisa, Artze JosAnton, Azkaineko Ikastola, Azkona-Garcia Jose, Azkune Mendia Iñaki, Azpeitia Mikel, Balantzategi Ainara, Balentzia-Tirapu Joakin, Basterrika Iñaki, Idoia Beratarbide, Bernat Etxepare lizeoko 2A gela, Bernat Etxepare lizeoko 2B gela, Bernat Etxepare lizeoko 2C gela, Bidaurreta Jeanine, Biscary Thierry, Borda Itxaro, Bordaxar Joane, Davant J.L, Egiguren-Azkune Ekiñe , Epelde Imanol, Esteban-Ramirez Karmen, Etxamendi Eñaut, Etxezaharreta Lucien, Frutos Usoa, Galarreta Xabier, Garcia-Etxandi Angel, Goietxe Beñardo, Goitia Koldo, Gomez Itziar, Gorrotxategi Aritz, Guillan Oier , Guilzu Luixa, Haltsuko "Maurice Harriet" Eskola, Ibaibarriaga Imanol, Ibarluzea Miren, Igantzi Eskolako Haurrak 3, Igantzi Eskolako Haurrak 2, Igantzi Eskolako Haurrak 1 ,Igartua- Bengoa Karmele, Indo Paxkal, Irastorza Extefana, Irazoki Dani, Irigoien Imanol, Irigoien Jokin, Irigoien Juan Mari, Iturrioz Andoni, Itzaina Xabier, Izkierdo-Fertxu, Jimenez-Maia Josu, Jorajuria Peio, Kazabon-Amigorrena Antton, Korta-Rekarte Gabriel, Lafond Karlos, Lanatua Manex, Larretxea Hasier, Lizeaga-Tamayo Eukene, Lopez-Mugarza Juankar, Lopez-Riaño Idoia, Macklin Elizabeth, Maia-Urroz Ainara, Makuso Juan Ramon, Monje Aitor, Olaso-Bengoa Aitor, Otamendi Jose Luis, Otxoteko Pello, Renteria Aitziber, Rodriguez Fito, Salamero Andoni, Sanchez Naiara, Sanduzelai Ikastola(Iruña), Santesteban Abbat, Sarasola Juanma, Senpereko Ikastolako 3 garrenekoak, Senpereko Ikastola 4 eta 5 garrenekoak, Setien Gorka, Solorzano Graxi, Soubelet Xabier, Strubell Xabi, Susperregi Iñigo, Taberna Mikel, Tambourin Marikita, Thicoipe Mixel, Tijero-Osario David, Tobar-Arburu Joseba, Toledo-Saralegi Maite, Urkizu Urtzi, Valois Carmen, Zabala Juan Luis, Zaldua Amaia, Zaldua Iker, Zamora Auxtin, Zelaieta Edu, Zendoia Josemari, Zubeldia Koldo

P.S Gure Nafarroako olerkari lagunek, beste ekitaldi poetiko bat
"HATSA-ren Poesia Berriozarren" izenburuarekin
egituratutzat daukate .
Hau iraganen da
Apirilaren 23 an,
Berriozarren (Iruñatik hurbil den hirian) ,
herriko liburutegian,
Arratsaldeko 7etan

Tuesday, March 2, 2010

Joxemiel Bidador, ezustean joan zaigu

Joxemiel Bidador gogoan


Iragan den ostiralean buruko isuria izan, eta gaur goizean hil da Joxemiel Bidador idazlea eta ikertzailea.

Euskal kultura eta literaturaren aldeko langile sutsua, Aspaldiku-ren Agoitzeko biltzarrean parte hartu zuen Euskal Idazleen Elkartearen izenean, Nafarroako Poesiaren II. Biltzarrean.

Hilabete ez dela Irurtzun-en izan ginen elkarrekin, Euskal Idazleen Elkartearen urteko batzarrean.

Bihoakie Idoia emazteari eta haren senide guztiei gure dolumina Aspaldiku osatzen dugun guztion izenean.

Joxemiel gogoan, Jose Luis Otamendiren poema bat:

Iturria hertsitzen duzunean
ni ez naiz amaitzen
urarekin bizi naiz
berarekin naiz joaten.



Tuesday, February 9, 2010

Euskal Idazleen Elkartearen biltzarra Irurtzunen

Iragan larunbatean izan zen Irurtzunen Euskal Idazleen Elkartearen urteko biltzarra.



Argazkian ikus daitekeenez, idazle talde polita bildu zen Irurtzungo kultur etxean: Joxemiel Bidador, Joxemari Carrere, Jerardo Elortza, Igor Estankona, Juan Ramon Makuso, Patxi Zabaleta, Josu Iraeta, Xabier Mendiguren Elizegi, Fernando Morillo, Andres Osa, Fito Rodriguez, Andoni Sarriegi, Ander Iturriotz, Juankar Lopez-Mugartza, Castillo Suarez, Aitor Txarterina, Juan Mari Apaolaza, Sabin Oregi, Carmen Valois, Joakin Balentzia, Xipri Alberbide eta Josu Jimenez Maia.

Biltzarrean iazko jardueren oroit-idazkia onartu zen, hala nola heldu den urteko egitasmoak eta aurrekontuak. Gainera, Zuzendaritza batzordea berritu eta Ander turriotz lehendakari berria hautatu zen. Bestalde, Asel Luzarragaren askapenerako nahia eta harekiko uste ona eta konfiantza adierazteko eta harentzako errugabetasun presuntzioa aldarrikatzeko adierazpena onartu zen aho batez.

Biltzarraren inguruko informazioa BERRIAn, GARAn, Diario Vasco-n, Diario de Navarra-n eta EIEren webgunean bertan.

Tuesday, February 2, 2010

Kultur Zikloa Iruñazarran

Iruñaren bihotz-bihotzean, Iruñazarra ostatuan, kultur zikloa, bihar hasita.

Friday, January 29, 2010

Thursday, January 14, 2010

Joan Margarit-en gogoetak

Joan Margarit poeta kataluniarrari elkarrizketa mamitsua egin dio Oier Guillan-ek. Gara egunkariaren Mugalari izeneko gehigarrian argitaratu zen hilaren 8an. Tamalez, ez dago Internet-en eskuragarri eta horregatik elkarriketa horretatik ateratako pasarte batzuk, poesiaren zurrunbiloan ibiltzen garenontzako hagitz interesgarriak, ekarri nahi izan ditugu blog honetara, zerbait-zerbait moldatuta.

Nire ustez inspirazioa existitzen da, beste gauza bat da pertsona batek zer nolako gaitasuna duen inspirazio horrekin poema bat egiteko.

Inspirazio datorkionean, poetak egin behar duen lehendabiziko kontua hauxe da: soilik bereak diren gauza horiek guztiak kentzea, horiek ez baitzaizkio inori interesatzen.

Poema batean guzti-guztia sartzen duena, irakurtzea irakurlea axolagabe uzten duten elementuak barne, poeta txarra da. [...] (Poeman) zureak izanik besteenak ere badiren gauzak bilatu behar dituzulako, sobera dagoen informazio pertsonal guztia bazter utzita: orduan izanen da (poema) unibertsala.

Poeta ahal den moduan iristen da poemara, edozer eginen luke poema on bat erdiestearren. Nire kasuan bilaketa horrek hobeto funtzionatzen du gertaera zehatzei heltzen diedanean [...]

Poesia deritzogun prozesuak hiru oinarri ditu: poeta, poema eta irakurlea. Poema partitura da, poeta konposatzailea, eta irakurlea kontzertura doana. Hor sartzen da interesgarria den aldaera bat: irakurleak bere instrumentu propioa du eta berak interpretatzen du partitura. Horretarako instrumentu hori afinatu beharra dago, ez baitoa kontzertua entzutera, interpretatzera baizik. Horregatik dago irakurle gutxi poesian, ahalegin bat eskatzen duelako. Hortik dator poesia azken miserikordia etxea dela esatea.


Bestalde, Joan Margarit-en liburuak besapean hartuta Barcelonara joan denik ere bada, Barcelonan barnako bidaia poetiko -edo- egiteko asmoz.